عراق میں پاکستان کی لکی سیمنٹ فیکٹری پر اسرائیلی ڈرون کا مبینہ حملہ

کراچی ( اردوپوائنٹ اخبار تازہ ترین ۔ 21 جون 2025ء ) عراق میں پاکستان کی لکی سیمنٹ فیکٹری پر اسرائیلی ڈرون کا مبینہ حملہ۔ تفصیلات کے مطابق سوشل میڈیا پر کچھ افواہیں گردش کر رہی ہیں جن میں دعوٰی کیا جا رہا ہے کہ اسرائیل نے عراق میں پاکستان کے لکی سیمنٹ فیکٹری پر حملہ کردیا اور بہانہ تراشہ ڈرون ایران جارہا تھا غلطی سے لگ گیا۔ اس حوالے سے لکی سیمنٹ لمیٹڈ نے اپنے وضاحتی بیان میں کہا ہے کہ عراق میں ’’ نامعلوم فضائی چیز‘‘ نے عراق میں لکی سیمنٹ پلانٹ کو نشانہ بنایا، واقع سے سیمنٹ پلانٹ میں کچھ برقی تاروں کو معمولی نقصان پہنچا لیکن پلانٹ مکمل طور پر فعال ہے۔

بزنس ریکارڈر کے مطابق لکی سیمنٹ لمیٹڈ نے جمعہ کے روز پاکستان اسٹاک ایکسچینج کو ایک وضاحت جاری کی ہے تاکہ سوشل میڈیا پر گردش کرنے والی ایک ویڈیو کے باعث پیدا ہونے والی افواہوں کا ازالہ کیا جا سکے۔

(جاری ہے)

کمپنی نے بتایا ہے کہ عراق میں واقع اس کے سیمنٹ پلانٹ میں کچھ برقی تاروں کو معمولی نقصان پہنچا تاہم واقعے کے باوجود پلانٹ مکمل طور پر فعال ہے۔

پی ایس ایکس ریگولیشن 5.6.2 اور سیکیورٹیز ایکٹ 2015 کی شق 96 کے تحت، سوشل میڈیا پر گزشتہ روز سے گردش کرنے والی ایک ویڈیو اور کمپنی سے منسوب ایک وضاحت کے تناظر میں درج ذیل بیان جاری کیا جا رہا ہے۔ اس سلسلے میں یہ اطلاع دی جاتی ہے کہ کمپنی کا سیمنٹ پلانٹ، جو سماوہ، عراق میں مشترکہ منصوبے کے تحت قائم ہے، مکمل طور پر فعال ہے اور پلانٹ کو کوئی بڑا یا مادی نقصان نہیں پہنچا۔

لکی سیمنٹ نے مزید کہا کہ یہ واقعہ ایک نامعلوم فضائی شے کے سماوہ، عراق میں نصب پری ہیٹر کے بالائی حصے سے ٹکرانے کے نتیجے میں پیش آیا ہے، جس سے کچھ برقی تاروں کو معمولی نقصان پہنچا۔ گزشتہ ماہ، لکی سیمنٹ نے اعلان کیا تھا کہ سماوہ میں واقع نجمت السماوہ (این اے ایس) میں ان کی نئی کلنکر لائن نے کام شروع کر دیا ہے۔ مئی 2023 میں لکی سیمنٹ اور عراق کے العشموق گروپ نے سماوہ میں اپنی کلنکر پیداواری صلاحیت میں 1.82 ملین ٹن سالانہ کی نئی لائن شامل کر کے اضافہ کرنے کا فیصلہ کیا تھا۔

یاد رہے کچھ افواہیں گردش کررہی ہیں کہ اسرائیل نے عراق میں پاکستان کے لکی سیمنٹ فیکٹری پر حملہ کردیا اور بہانہ تراشہ ڈرون ایران جارہا تھا غلطی سے لگ گیا۔ جس پر لکی سیمنٹ لمیٹڈ نے جمعہ کے روز پاکستان اسٹاک ایکسچینج (پی ایس ایکس) کو ایک وضاحت جاری کی ہے تاکہ سوشل میڈیا پر گردش کرنے والی ایک ویڈیو کے باعث پیدا ہونے والی افواہوں کا ازالہ کیا جا سکے۔