ٹرمپ کیخلاف مواخذہ کی تحریک،امریکی ایوان نمائندگان نے 79 کے مقابلے میں 344 ووٹوں سے قرارداد کو مسترد کر دیا

مواخذے کی تحریک ڈیموکریٹ رکن کانگریس آل گرین نے پیش کی تھی، 128 ڈیموکریٹس نے مواخذے کے خلاف ری پبلکنز کا ساتھ دیا تاکہ قرارداد پیش نہ کی جاسکے، قرارداد پرنہ صرف محدود بحث ہوئی بلکہ اس نے خود ڈیموکریٹ پارٹی کو بھی تقسیم کر دیا

فیصل علوی بدھ 25 جون 2025 11:40

ٹرمپ کیخلاف مواخذہ کی تحریک،امریکی ایوان نمائندگان نے 79 کے مقابلے ..

واشنگٹن(اردوپوائنٹ اخبار تازہ ترین۔25جون 2025)امریکی صدر ڈونلڈ ٹرمپ کے ایوان میں مواخذہ کرنے کی کوشش ناکام ہوگئی، امریکی ایوان نمائندگان کی ایک بڑی اکثریت سے صدر ڈونلڈ ٹرمپ کے خلاف مواخذے کی کوشش کو مسترد کر دیا،امریکی ایوان نمائندگان نے صدر ڈونلڈ ٹرمپ کو ایران پر کانگریس کی منظوری کے بغیر فوجی حملے پر مواخذہ کرنے کی کوشش روک دی،قطرکے نشریاتی ادارے الجزیرہ اور ایسوسی ایٹڈ پریس کے مطابق صدرٹرمپ کے مواخذے کی تحریک ڈیموکریٹ رکن کانگریس آل گرین نے پیش کی تھی۔

صدرٹرمپ کے مواخذے کی تحریک ڈیموکریٹ رکن کانگریس آل گرین نے پیش کی تھی۔مواخذے کی تحریک سے متعلق قرارداد 79 کے مقابلے میں 344 ووٹ سے مسترد کر دی گئی۔ 128 ڈیموکریٹس نے بھی مواخذے کے خلاف ری پبلکنز کا ساتھ دیا تاکہ قرارداد پیش نہ کی جاسکے۔

(جاری ہے)

قرارداد پرنہ صرف محدود بحث ہوئی بلکہ اس نے خود ڈیموکریٹ پارٹی کو بھی تقسیم کر دیا۔ کئی ڈیموکریٹس نے ریپبلکن اراکین کا ساتھ دیتے ہوئے اس کوشش کو مسترد کر دیا۔

مواخذے کی تحریک پیش کرنے کیلئے ٹیکساس کے رکن اسمبلی کی قرارداد پر ڈیموکریٹس بھی منقسم نظر آئے۔ کئی ڈیموکریٹک اراکین نے ٹرمپ کو تنقید کا نشانہ تو بنایا مگر زیادہ تر نے مواخذے کی حمایت سے گریز کیا۔ڈیموکریٹ رکن کانگریس ایل گرین نے اپنی قرارداد میں دعویٰ کیا گیا تھا کہ ڈونلڈ ٹرمپ نے ایران پر حملے کیلئے صدارتی اختیارات کا غلط استعمال کیا۔

ال گرین نے ایوان میں خطاب کرتے ہوئے کہا کہ مجھے اس کام سے خوشی نہیں، لیکن میں یہ اس لئے کر رہا ہوں کیونکہ کسی ایک شخص کو 30 کروڑ لوگوں کی قسمت کا فیصلہ کرنے کا اختیار نہیں ہونا چاہیے۔ ایل گرین نے کہا کہ امریکہ اس وقت جمہوریت اور آمریت کے سنگم پر کھڑا ہے۔ میں یہ قدم اس لئے اٹھا رہا ہوں کیونکہ کسی ایک فرد کو یہ اختیار نہیں ہونا چاہیے کہ وہ امریکہ کی کانگریس سے مشورے کے بغیر 30 کروڑ سے زائد افراد کو جنگ میں جھونک دے۔

کانگریس کی منظوری کے بغیرجنگ میں نہیں جاناچاہیے۔انہوں نے کہا کہ یہ اقدام میں نے اس لئے کیاکیونکہ اب آئین معنی خیزہوگا یا بے معنی ہوجائیگا۔ یہ معاملہ آئین کی ساکھ سے جڑا ہے اگر آئین کو سنجیدگی سے نہ لیا گیا تو اس کی اہمیت ختم ہو جائے گی۔میں یہ اس لئے کر رہا ہوں کیونکہ میرے نزدیک آئین یا تو با معنی ہے یا بالکل بے معنی۔گرین کی یہ کوشش ایسے وقت پر کی گئی جب صدر ٹرمپ نے بغیر کانگریس کو اعتماد میں لئے ایران کی جوہری تنصیبات پر حملے کئے۔ اس پر کئی ڈیموکریٹس نے ناراضی کا اظہار کیا لیکن اکثریت نے مواخذے کے بجائے دیگر معاملات پر توجہ مرکوز رکھنے کو ترجیح دی۔