جی ایچ کیو حملہ کیس ، سانحہ 9 مئی کے دیگر مقدمات کی سماعت بغیرکارروائی کے ملتوی

جمعرات 26 جون 2025 15:37

راولپنڈی(اُردو پوائنٹ اخبارتازہ ترین - این این آئی۔ 26 جون2025ء)جی ایچ کیو حملہ کیس اور سانحہ9 مئی کے دیگر مقدمات کی سماعت بغیرکارروائی کے ملتوی کردی گئی۔ذرائع کے مطابق انسداد دہشت گردی عدالت کے جج امجد علی شاہ کے روبرو جی ایچ کیو حملہ کیس اور سانحہ 9 مئی کے دیگر مقدمات کی سماعت ہوئی تاہم کوئی کارروائی نہیں ہو سکی۔

(جاری ہے)

سماعت کے موقع پر شیخ رشید، زرتاج گل، راجہ بشارت، ایمان طاہر عدالت میں پیش ہوئے۔بعد ازاں عدالت نے جی ایچ کیو حملہ کیس کی سماعت 3 جولائی تک ملتوی کردی۔مقدمے کا جیل ٹرائل نہیں ہو سکا۔ عدالت نے کہا کہ آئندہ سماعت اڈیالہ جیل میں ہوگی۔سانحہ 9 مئی کے دیگر 11 کیسز میں بھی کوئی کارروائی نہیں ہو سکی اور عدالت نے ان مقدمات کی سماعت بھی 3 جولائی تک ملتوی کردی۔