ایشین ٹیم اسنوکر چیمپئن شپ میں پاکستان کا شاندار آغاز

کولمبو میں اویس منیر اور محمد آصف پر مشتمل پاکستان ون نے چیمپئن شپ کے پہلے روز گروپ کے دونوں میچز جیت لیے

جمعہ 27 جون 2025 13:01

ایشین ٹیم اسنوکر چیمپئن شپ میں پاکستان کا شاندار آغاز

کولمبو(اُردو پوائنٹ اخبارتازہ ترین - این این آئی۔ 27 جون2025ء)ایشین ٹیم اسنوکر چیمپئن شپ میں پاکستان کی دونوں ٹیموں نے کامیاب آغاز کیا ہے۔کولمبو میں اویس منیر اور محمد آصف پر مشتمل پاکستان ون نے ایشین ٹیم اسنوکر چیمپئن شپ کے پہلے روز گروپ کے دونوں میچز جیت لیے جس کے بعد پاکستان ون کی ایشین ٹیم کے ناک آؤٹ راؤنڈ میں رسائی یقینی ہوگئی۔پہلے میچ میں پاکستان ون نے کمبوڈیا کو 0-3 سے شکست دی۔

کمبوڈیا کے خلاف پاکستان ون کی جیت کا اسکور 30-82، 16-59 اور 0-78 رہا۔

(جاری ہے)

دوسرے میچ میں آصف اور اویس کی ٹیم نے قطر کو 1-3 سے شکست دی۔پہلے سنگل میں اویس منیر کی شکست کے بعد پاکستانی پلیئرز نے شنادار کم بیک کیا۔قطر کے خلاف پاکستان ون کی جیت کا اسکور 47-81، 23-82، 23-63اور 16-62 رہا۔دوسری جانب پاکستان ٹو نے 2 میں سے ایک میچ جیتا، دوسرے میں شکست کا سامنا کرنا پڑا۔شاہد آفتاب اور محمد سجاد پر مشتمل پاکستان ٹو نے پہلے میچ میں بحرین کو 2-3 سے ہرایا۔ پاکستان ٹو نے بحرین کے خلاف ابتدائی 2 سنگلز ہارنے کے بعد کم بیک کیا۔پاکستان ٹو کی جیت کا اسکور 41-87، 46-48، 41-73، 35-80 اور 17-60 رہا۔دوسرے میچ میں پاکستان ٹو کو چین کے ہاتھوں 3-1 سے شکست کا سامنا کرنا پڑا۔