آیت اللہ خامنہ ای کو مارنا چاہتے تھے آپریشنل موقع نہیں ملا،اسرائیلی وزیر دفاع کا ایرانی سپریم لیڈر کو نشانہ بنانے میں ناکامی کا اعتراف

12 روزہ جنگ کے دوران ایران کے سپریم لیڈرکو جان سے مارنے کا پلان بنایا تھا جو کامیاب نہ ہوسکا، خامنہ ای کو اپنے اوپر حملے کا خدشہ تھا جس کے باعث وہ روپوش ہو گئے اور پاسداران انقلاب کے کمانڈرز سے رابطہ منقطع کر دیا تھا، کاٹز کا اسرائیلی میڈیا کو انٹرویو

فیصل علوی جمعہ 27 جون 2025 12:15

آیت اللہ خامنہ ای کو مارنا چاہتے تھے آپریشنل موقع نہیں ملا،اسرائیلی ..

تل ابیب(اردوپوائنٹ اخبار تازہ ترین۔27جون 2025)آیت اللہ خامنہ ای کو مارنا چاہتے تھے آپریشنل موقع نہیں ملاتھا،اسرائیلی وزیر دفاع کاٹزکا ایرانی سپریم لیڈر کو نشانہ بنانے میں ناکامی کا اعتراف کرلیا،12 روزہ جنگ کے دوران اسرائیل نے ایران کے سپریم لیڈر آیت اللہ علی خامنہ ای کو جان سے مارنے کا پلان بنایا تھا جو کامیاب نہ ہوسکا،اسرائیلی میڈیا کان کو دئیے گئے انٹرویو میں اسرائیل کے وزیر دفاع کاٹز نے دعویٰ کیا کہ ایران کے سپریم لیڈر خامنہ ای کو اپنے اوپر حملے کا خدشہ تھا جس کے باعث وہ روپوش ہو گئے اور پاسداران انقلاب کے کمانڈرز سے رابطہ منقطع کر دیا۔

آیت اللہ خامنہ ان کمانڈروں سے بھی رابطے ختم کر دئیے جنہیں شہید کئے گئے کمانڈروں کی جگہ تعینات کیا گیا تھا اس لئے یہ عملی طور پر ممکن نہ رہا۔

(جاری ہے)

اگر خامنہ ای ہمارے نشانے پر ہوتے تو ہم انہیں ختم کر دیتے۔ کاٹز کایہ بھی کہنا تھا کہ آیت اللہ خامنہ ای ہمارا ہدف تھے لیکن ہم انہیں ڈھونڈ نہیں سکے۔انہوں نے کہا کہ ایران جوہری پروگرام دوبارہ شروع کرتا ہے تو دوبارہ حملہ کرسکتے ہیں اور اس کیلئے امریکہ سے گرین سگنل حاصل ہے تاہم ایسی صورتحال نظر نہیں آرہی کہ حملے کے بعدایران جوہری تنصیبات کوبحال کریگا۔

اسرائیلی وزیر دفاع کامزید یہ بھی کہنا تھا کہ ایرانی رہنما روپوش ہوگئے تھے جس کے باعث کمانڈرز سے رابطہ ختم کردیا تھا۔ جس کی وجہ سے حملہ غیر حقیقت پسندانہ بن گیا۔ایرانی سپریم لیڈر ہماری نظروں کے سامنے ہوتے تو ہم انہیں ختم کر دیتے۔ موقع ملا تو آیت اللہ خامنہ ای کے خلاف کارروائی کرسکتے ہیں۔خامنہ ای کو ختم کرنا چاہتے تھے لیکن ایسا کرنے کا کوئی عملی موقع نہیں تھا۔

اسرائیلی وزیر دفاع نے یہ بھی کہا کہ اسرائیل کو آیت اللہ خامنہ ای کو قتل کرنے کیلئے امریکہ کی اجازت کی ضرورت نہیں تھی۔انہوں نے گفتگو کے دوران یہ بھی کہا کہ اسرائیلی اہلکاروں نے ایرانی سپریم لیڈر آیت اللہ علی خامنہ ای کو نشانہ بنانے کی بہت کوشش کی تھی مگر کوئی عملی موقع نہیں مل سکا۔میرا اندازہ ہے کہ اگر خامنہ ای ہمارے نشانے پر آ جاتے۔ تو ہم انہیں ختم کر دیتے۔