Live Updates

مظفرآباد کے لیے ایک بھی کسی نئے یا جاریہ منصوبہ جات کے فنڈز مختص نہ کرعوام کو مایوس کیاگیا،اپوزیشن لیڈر

مجھے امید تھی دارالحکومت کے ان منصوبہ جات کے لیے ہمارے ڈویژن کی12 حکومتی اراکین اسمبلی ضرور آواز بلند کریں گے،خواجہ فاروق احمد

جمعہ 27 جون 2025 14:35

مظفرآباد(اُردو پوائنٹ اخبارتازہ ترین - این این آئی۔ 27 جون2025ء)پاکستان تحریک انصاف کے مرکزی راہنما اپوزیشن لیڈر ایم ایل اے حلقہ تین سٹی مظفرآباد خواجہ فاروق احمد نے وزیراعظم چوہدری انوارالحق کی بجٹ کے موقع پر اپنی اختتامی تقریر میں دارالحکومت مظفرآباد کے لیے ایک بھی کسی نئے یا جاریہ منصوبہ جات کے فنڈز مختص کرنے کا اعلان نہ کر کے دارالحکومت کے عوام کو بے حد مایوس کیا ہے۔

خواجہ فاروق احمد نے کہا کہ میں نے بطور ایم ایل اے سٹی مظفرآباد حلقہ تین کے 13 منصوبہ جات کی نشاندہی کی تھی اور اس حوالے سے مظفرآبادڈویژن کے 12 وزرائ/اراکین اسمبلی جن سب کا تعلق حکومت سے ہے سے مطالبہ کیا تھا کہ وہ دارالحکومت جہاں وہ خود بھی مستقل رہائش پذیر ہیں کے لیے وزیراعظم سے ان منصوبہ جات کی منظور لیں،لیکن مجھے افسوس سے کہنا پڑرہا ہے کہ حکومت نے ان میں سے ایک بھی منصوبہ منظور نہ کر کے نجانے دارالحکومت کے عوام سے کس بات کی سزادی ہے۔

(جاری ہے)

مجھے امید تھی کہ دارالحکومت کے ان منصوبہ جات کے لیے ہمارے ڈویژن 12 حکومتی اراکین اسمبلی ضرور آواز بلند کریں گے اور وزیراعظم کے ڈیڑھ گھنٹے کے خطاب میں دارالحکومت کے لیے بھی 5 سے 10 منٹ لے لیں گے جس میں وہ مظفرآباد کے ان منصوبہ جات کے لیے بھی کچھ فرمادیں گے۔خواجہ فاروق احمد نے کہا کہ زلزلہ کے بعد مظفرآباد شہر پر آباد کا دبائو بہت زیادہ بڑھ چکا ہے،مہاجرین 1989ء کی بھی ایک بڑی تعداد دارالحکومت میں ہی رہائش پذیر ہے لیکن ہم سب کو وزیراعظم ان کے 12 وزاء جن کا تعلق مظفرآباد ڈویژن سے ہے بہت مایوس کیا ہے،ان سب نے اگر دارالحکومت کو اپنا سمجھا ہوتا تو 49 ارب کے ترقیاتی بجٹ سے مظفرآبا دکو بھی کچھ دلادیا ہوتا یہ سلوک مظفرآباد شہر کے عوام کبھی فراموش نہیں کریں گے۔