پہلگام فالس فلیگ اور جھوٹے الزامات، مودی سرکار کی پاکستان دشمن مہم بے نقاب

جمعہ 27 جون 2025 20:15

نئی دہلی (اُردو پوائنٹ اخبارتازہ ترین - آن لائن۔ 27 جون2025ء) مودی سرکار کی پاکستان مخالف مہم ایک بار پھر بے نقاب ہو گئی ہے، جہاں پہلگام فالس فلیگ واقعے کی آڑ میں بھارت میں بے گناہ شہریوں کی گرفتاریوں اور پاکستان پر جھوٹے الزامات کا سلسلہ تاحال جاری ہے۔ بھارتی حکومت کی جانب سے داخلی ناکامیوں اور سیکیورٹی خلاؤں سے توجہ ہٹانے کے لیے پاکستان پر الزام تراشی کو ایک منظم حکمت عملی کے طور پر استعمال کیا جا رہا ہے۔

بھارتی نیول ہیڈکوارٹرز سے وابستہ کلرک وشال یادو کو 25 جون کو مبینہ طور پر پاکستان کے لیے جاسوسی کرنے کے الزام میں گرفتار کیا گیا۔ بھارتی میڈیا ادارے این ڈی ٹی وی کے مطابق وشال یادو کا تعلق ہریانہ سے ہے اور وہ نیوی ہیڈکوارٹر میں اپر ڈویڑن کلرک کے طور پر تعینات تھا۔

(جاری ہے)

گرفتاری کے بعد بھارتی انٹیلیجنس ونگ نے الزامات کی نوعیت اور شواہد کے بارے میں کوئی تفصیل جاری کرنے سے گریز کیا۔

رپورٹس کے مطابق وشال یادو پر الزام ہے کہ اٴْس نے آپریشن "سندور" کے دوران حساس معلومات پاکستان سے شیئر کیں، تاہم اب تک یہ واضح نہیں ہو سکا کہ وہ معلومات کیا تھیں، اور شواہد بھی منظرِ عام پر نہیں لائے گئے۔ یہ پہلا موقع نہیں، جب بغیر کسی ٹھوس ثبوت کے پاکستان کو ہدف بنایا گیا ہو۔ اس سے قبل بھی بی جے پی کی حامی ایک یوٹیوبر پر پاکستان کے لیے جاسوسی کا الزام لگا کر اسے میڈیا ٹرائل کا نشانہ بنایا گیا تھا۔

بھارتی سیکیورٹی اداروں کی جانب سے الزامات کے باوجود شواہد کی عدم فراہمی، ان کی پیشہ ورانہ ناکامی کا کھلا ثبوت ہے۔ حالیہ دنوں میں پیش آنے والے فالس فلیگ آپریشنز، بالخصوص پہلگام واقعے کو بنیاد بنا کر بھارتی عوام کو گمراہ کرنے کی کوششیں شدت اختیار کر چکی ہیں۔ ان جھوٹے الزامات اور گرفتاریوں کا مقصد بی جے پی حکومت کی اندرونی بدانتظامی اور سیکیورٹی کمزوریوں سے توجہ ہٹانا ہے۔ ماہرین کا کہنا ہے کہ فالس فلیگ، بے بنیاد الزامات اور پاکستان کے خلاف میڈیا پروپیگنڈہ مودی سرکار کی طے شدہ حکمت عملی کا حصہ ہے، جس کے ذریعے وہ نہ صرف سیاسی فائدہ حاصل کرنا چاہتی ہے بلکہ خطے میں کشیدگی کو ہوا دے کر پاکستان کو عالمی سطح پر بدنام کرنے کی ناکام کوشش کر رہی ہی