
طالبات کو تعلیمی وظائف کی شفاف فراہمی:ریفارم سپورٹ یونٹ اور جاز کی شراکت
ہفتہ 28 جون 2025 12:57
(جاری ہے)
رقم صرف بایومیٹرک شناختی کارڈ کی تصدیق کے بعد جاری کی جاتی ہے تاکہ پورا عمل قابلِ اعتماد اور باعزت انداز میں مکمل ہو۔موبی لنک جیز کی جانب سے جاری اعلامیہ کے مطابق جاز کیش نے بطور شراکت دار سندھ کے 45 تعلقوں میں اس پروگرام کو مؤثر، جامع اور آسان بنایا ہے۔
ریفارم سپورٹ یونٹ کے چیف پروجیکٹ منیجر جنید حمید ساموں نے کہا ہے کہ لڑکیوں کی تعلیم نہ صرف ان کا بنیادی حق ہے بلکہ یہ وسیع تر سماجی تبدیلی کا ذریعہ بھی ہے۔ جب ہم تعلیمی وظیفے کو اسکول میں داخلے سے مشروط کرتے ہی، تو ہم صرف انفرادی طالبات کی مدد نہیں کرتے بلکہ پورے معاشرے میں ایک مثبت پیغام عام کرتے ہیں کہ ہر بچی کا اصل مقام اسکول ہے۔واضح رہے کہ پاکستان میں ایک کروڑ بیس لاکھ سے زائد بچیوں کے سکول سے باہر ہونے کے حوالہ سے سندھ دوسرے نمبر پر آتا ہے۔ انہوں نے کہا کہ ایسے حالات میں یہ پروگرام براہِ راست ان مالی رکاوٹوں کا حل پیش کرتا ہے جو بچیوں کی تعلیم کے آڑے آتی ہیں۔ فی طالبہ 3,500 روپے کا یہ وظیفہ نہ صرف سکول کے غیر مستقیم اخراجات پورے کرنے میں مدد دیتا ہے بلکہ خاندانوں کو کم عمری میں مزدوری یا شادی کے بجائے تعلیم کو ترجیح دینے پر آمادہ کرتا ہے۔جیز کیش کے صدر مُرتضیٰ علی نے کہا کہ تعلیم، خاص طور پر لڑکیوں کے لیے، معاشرتی ترقی اور دیرپا خوشحالی کا سب سے مؤثر ذریعہ ہے۔ ہم حکومت سندھ کے اس انقلابی اقدام کا حصہ بننے پر فخر محسوس کرتے ہیں۔ ہماری کوشش ہے کہ ہر وظیفہ شفاف طریقے سے درست ہاتھوں تک پہنچے تاکہ یہ بچیاں تعلیم حاصل کر سکیں، بڑے خواب دیکھ سکیں اور روشن مستقبل بنا سکیں۔ انہوں نے کہا کہ جاز کیش اپنی جدید ڈیجیٹل انفراسٹرکچر کی بدولت بڑے پیمانے پر سماجی فلاحی پروگراموں میں قابلِ اعتماد مالی شراکت دار کے طور پر ابھرا ہے۔ گزشتہ پانچ سال میں جاز کیش نے مختلف قومی و صوبائی اقدامات کے تحت تقریباً 110 ارب روپے تقسیم کیے ہیں جن میں بینظیر انکم سپورٹ پروگرام، وزیراعظم اور خیبر پختونخوا کے رمضان ریلیف پروگرامز، اور پی ڈی ایم اے، ڈبلیو ایچ او اور بی آر ایس پی جیسے اداروں کی ہنگامی امدادی کارروائیاں شامل ہیں۔ سندھ میں بھی جاز کیش نے سندھ فلڈ ایمرجنسی ریہیبلیٹیشن پروجیکٹ (SFERP) اور سندھ سوشل پروٹیکشن اتھارٹی (SSPA) کے تحت مالی رقوم کی شفاف ترسیل کو یقینی بنایا ہے۔انہوں نے کہا کہ ڈیجیٹل مالیاتی خدمات کے ذریعے حکومتی رقوم کی عوام تک براہِ راست منتقلی (G2P) کا یہ ماڈل نہ صرف مالی شمولیت کو فروغ دیتا ہے بلکہ صنفی مساوات اور تعلیم جیسے اہم قومی اہداف کی سمت بھی مؤثر پیش رفت کی مثال ہے۔انہوں نے کہا پروگرام کا سالانہ ہدف 80 کروڑ روپے اور 2.2 لاکھ مستحقین تک مالی وصائل کی شفاف منتقلی اس بات کی عکاس ہے کہ اگر ٹیکنالوجی، پالیسی اور مقصد ایک ہو تو کس طرح محروم طبقوں کی زندگی بدل سکتے ہیں۔مزید قومی خبریں
-
پاکستانی طلبہ نے منیلا میں مصنوعی ذہانت کے بہترین استعمال پر ایوارڈ حاصل کرلیا
-
دریائے سوات، نہروں، نالوں ،جھیلوں میں عوام ،سیاحوں کے نہا نے، تیراکی ،کشتی رانی پر پابندی عائد
-
دریائے سوات واقعے کے دن موسم خراب تھا، ہیلی کاپٹر حادثے کا شکار ہوسکتا تھا، بیرسٹر سیف
-
میو ہسپتال کے وارڈز میں ایئرکنڈیشنرز بند، مریض اور تیماردار پریشانی کا شکار
-
این ڈی ایم اے کا ملک بھر میں بارش، سیلاب کے حوالے سے الرٹ جاری
-
پاکستان نے بھارتی جنگی طیارے مار گرائے تھے، بھارتی دفاعی اتاشی کا اعتراف
-
یو اے ای میں20لاکھ درہم مالیت کی جائیداد رکھنے والے پاکستانیوں کی شناخت کرلی گئی
-
سپریم کورٹ آئینی بنچ کے فیصلے کے بڑے بینفیشری مولانا فضل الرحمان ہیں، بیرسٹر سیف
-
اگلے سال ملک میں گندم اور کپاس کاشت نہیں ہوگی، کسان اتحاد کا اعلان
-
راولپنڈی میں گھر سے 5 تولے سونے کے زیورات چوری، واردات میں اپنے ہی ملوث نکلے
-
ملک بھر میں 5 جولائی تک شدید بارشوں کی پیشگوئی
-
بلوچستان کی سرزمین پر دہشتگردی کا کوئی وجود برداشت نہیں کیا جائے گا، وزیر اعلیٰ میر سرفراز بگٹی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2025, UrduPoint Network
All rights of the publication are reserved by UrduPoint.com. Reproduction without proper consent is not allowed.