Live Updates

آئندہ 24 گھنٹوں کے دوران صوبے کے بیشتر اضلاع میں بارش کا امکان

منگل 1 جولائی 2025 23:08

پشاور(اُردو پوائنٹ اخبارتازہ ترین - این این آئی۔ 01 جولائی2025ء) خیبر پختونخوا میں موسم گرم اور مطلع جزوی ابراآلود رہے گا ، آئندہ 24 گھنٹوں کے دوران صوبے کے بیشتر اضلاع میں بارش کا امکان ہے۔

(جاری ہے)

محکمہ موسمیات کے مطابق خیبر پختونخوا میں موسم گرم اور مطلع جزوی ابراآلود رہے گا ، پشاور،نوشہرہ، چارسدہ، مردان، چترال ، دیر ، سوات ، بونیر میں بارش کا امکان ہے، مالاکنڈ، بٹگرام ، شانگلہ ، کوہستان ، تورغر ، مانسہرہ، ایبٹ آباد ، ہری پور میں بھی بارش ہو گی ، کرم ، کوہاٹ ، ہنگو، بنوں ، کرک ، لکی مروت ، ڈی آئی خان ، ٹانک ، شمالی و جنوبی وزیر ستان میں بھی بارش متوقع ہے، دریائے کابل ، سوات اور پنجگوڑہ میں سیلاب کا خدشہ ہے، پشاور، نوشہرہ، مردان ، صوابی ، مانسہرہ، کوہستان ، دیر ، شانگلہ ، سوات میں طغیانی کا خدشہ ہے، پہاڑی علاقوں میں لینڈ سلائیڈنگ کا بھی خدشہ ہے۔