بیرسٹر سلطان سے دیرینہ ساتھی ڈاکٹر خالد چوہان کی ملاقات ،خدمات کی تعریف

امید ہے ڈاکٹر خالدبحیثیت ڈی جی قومی ادارہ انسداد دہشت گردی حکومت پاکستان میں صلاحیتوں کا لوہا منوائیں گے ، صدر آزاد کشمیر

بدھ 2 جولائی 2025 18:53

اسلام آباد (اُردو پوائنٹ اخبارتازہ ترین - این این آئی۔ 02 جولائی2025ء) صدر آزاد جموں و کشمیر بیرسٹر سلطان محمود چوہدری سے اُن کے دیرینہ ساتھی سابق ڈی آئی جی میرپور و ڈائریکٹر جنرل قومی ادارہ انسداد دہشت گردی حکومت پاکستان ڈاکٹر خالد چوہان کی ایوان صدر کشمیر ہائوس اسلام آباد میں تفصیلی ملاقات کی۔

(جاری ہے)

اس موقع پر صدر آزادجموں وکشمیر بیرسٹر سلطان محمود چوہدری نے ڈاکٹر خالد چوہان کی بطور ڈی آئی جی میرپور اُن کی خدمات کو سراہا اور اس امید کا اظہار کیا کہ اب بھی ڈاکٹر خالدچوہان بحیثیت ڈائریکٹر جنرل قومی ادارہ انسداد دہشت گردی حکومت پاکستان میں اپنی صلاحیتوں کا لوہا منوائیں گے اور ملک و قوم کی خدمات کے لئے اپنی تمام صلاحیتیں بروئے کار لائیں گے۔

اس موقع پر صدر آزاد جموں وکشمیر بیرسٹر سلطان محمود چوہدری اور سابق ڈی آئی جی میرپور و ڈائریکٹر جنرل قومی ادارہ انسداد دہشت گردی حکومت پاکستان ڈاکٹر خالد چوہان کے درمیان باہمی دلچسپی سمیت دیگر امور پر بھی تبادلہ خیال کیا گیا ۔