Live Updates

مزاحمت ،مذاکرات ساتھ ساتھ چلیں گے ، حتمی فیصلہ بانی پی ٹی آئی کرینگے‘شاہ محمود قریشی

ہماری بات کا جواب نہ آئے تو پھر احتجاج کا آپشن ہی بچتا ہے ‘کوٹ لکھپت جیل میں صحافیوں سے غیر رسمی گفتگو

بدھ 2 جولائی 2025 18:45

لاہور(اُردو پوائنٹ اخبارتازہ ترین - این این آئی۔ 02 جولائی2025ء) پاکستان تحریک انصاف کے سینئر وائس چیئرمین شاہ محمود قریشی نے کہا ہے کہ مزاحمت اور مذاکرات ساتھ ساتھ چلیں گے جس کا حتمی فیصلہ بانی پی ٹی آئی کریں گے، ہماری بات کا جواب نہ آئے تو پھر احتجاج کا آپشن ہی بچتا ہے، دو سال بعد کوٹ لکھپت جیل کے اسیروں کی متفقہ رائے ہے کہ مذاکرات ہونے چاہئیں۔

(جاری ہے)

کوٹ لکھپت جیل میں صحافیوں سے غیر رسمی گفتگو کرتے ہوئے شاہ محمود قریشی نے کہا کہہم ہمیشہ چاہتے تھے کہ مذاکرات مقتدر حلقوں کے ساتھ ہوں لیکن اگر ان کا موقف یہ ہے کہ سیاست سیاسی جماعتوں کا کام ہے تو پھر ہمیں سیاستدانوں سے ہی بات کرنی ہو گی، کس حکومتی شخصیت سے بات چیت کی جائے گی اس کا نام وقت آنے پر بتائوں گا۔انہوںنے کہا کہ رہنمائی اور آئندہ کے لائحہ عمل کے لیے بانی پی ٹی آئی عمران خان تک ہماری رسائی ضروری ہے۔ انہوں نے مطالبہ کیا کہ بیرسٹر گوہر اور سلمان اکرم راجہ کو بھی ہم سے جیل میں ملاقات کی اجازت دی جائے تاکہ قانونی و سیاسی مشاورت ممکن ہو سکے۔