آئی سی سی ٹیسٹ رینکنگ، ٹاپ 10بلے بازوں میں کوئی پاکستانی شامل نہیں

ٹیسٹ فارمیٹ بیٹرز کی فہرست میں انگلینڈ کے جو روٹ سرفہرست ہیں‘رینکنگ

بدھ 2 جولائی 2025 18:45

لاہور (اُردو پوائنٹ اخبارتازہ ترین - این این آئی۔ 02 جولائی2025ء) انٹرنیشنل کرکٹ کونسل نے ٹیسٹ بیٹرزکی رینکنگ جاری کردی جس کے ٹاپ ٹین میں کوئی پاکستانی کرکٹر شامل نہیں۔آئی سی سی رینکنگ کے مطابق ٹیسٹ فارمیٹ بیٹرز کی فہرست میں انگلینڈ کے جو روٹ سرفہرست ہیں، بھارت کے ریشبھ پنت ایک درجے ترقی کے بعد چھٹے اور آسٹریلیا کیٹریوس ہیڈ 3درجے ترقی کے بعد 10ویں نمبر پر آگئے ہیں۔

(جاری ہے)

بیٹرز رینکنگ میں پاکستان کے سعود شکیل ایک درجے تنزلی کے بعد 11ویں نمبر پر موجود ہیں جب کہ محمد رضوان3درجے تنزلی کے بعد 19ویں نمبر پر موجود ہیں۔دوسری جانب آئی سی سی ٹیسٹ بولرز رینکنگ میں بھارت کے جسپریت بمرا کی پہلی پوزیشن برقرار ہے، جنوبی افریقہ کے کگیسو ربادا کی دوسری اورآسٹریلیا کے پٹ کمنز کی تیسری پوزیشن ہیں جبکہ پاکستان کے نعمان علی کی ایک درجہ تنزلی کے بعد چوتھے سے پانچویں نمبر پر آگئے ہیں۔آل رائونڈرز رینکنگ میں بھارت کے رویندرا جڈیجا کی پہلی پوزیشن برقرار ہے۔