آئی او سی سے منظورشدہ انٹرنیشنل کلائمنگ فیڈریشن کی پی ایس بی الیکشن کمیشن کے انتخابات کی توثیق ، الپائن کلب کے صدرکو مبارکباد

بدھ 2 جولائی 2025 20:00

اسلام آباد(اُردو پوائنٹ اخبارتازہ ترین - این این آئی۔ 02 جولائی2025ء)انٹرنیشنل فیڈریشن آف سپورٹس کلائمبنگ (آئی ایف ایس سی) نے الپائن کلب آف پاکستان (اے سی پی) کے نو منتخب صدر میجر جنرل عرفان ارشد کو مبارکباد کا خط ارسال کیا ہے۔ آئی ایف ایس سی جو کہ بین الاقوامی اولمپک کمیٹی (آئی او سی) کی منظور شدہ انٹرنیشنل فیڈریشن آف سپورٹس کلائمبنگ نے پاکستان سپورٹس بورڈ کے الیکشن کمیشن کے تحت ہونے والے انتخابات کو تسلیم کرتے ہوئے اس اہم کامیابی پر صدر الپائن کلب آف پاکستان میجر جنرل عرفان ارشد کے لئے نیک تمناؤں کا اظہار کیا ہے۔

(جاری ہے)

انٹرنیشنل فیڈریشن آف سپورٹس کلائمبنگ کے صدر مارکو ماریا اسکولاریس کی جانب سے جاری کردہ خط میں کہا گیا ہے کہ وہ الپائن کلب آف پاکستان کے ساتھ مل کر سپورٹس کلائمبنگ کو پاکستان میں فروغ دینے کے لیے پٴْر امید ہیں اور نو منتخب قیادت کی رہنمائی میں پاکستانی ایتھلیٹس کی ترقی کے لیے بھرپور تعاون جاری رکھیں گے۔خط میں کہا گیا ہے کہ الپائن کلب آف پاکستان کی کوششیں ملک میں سپورٹس کلائمبنگ کو قومی سطح پر اجاگر کرنے میں اہم کردار ادا کر رہی ہیں، اور انٹرنیشنل فیڈریشن آف سپورٹس کلائمبنگ مستقبل میں بھی ان کوششوں کا ساتھ دیتا رہے گا۔