ملتان، ڈپٹی کمشنر وسیم حامد سندھو کا شہر کے مختلف علاقوں کا دورہ، آپریشن کلین اپ کا جائزہ لیا

جمعرات 3 جولائی 2025 19:50

ملتان (اُردو پوائنٹ اخبارتازہ ترین - اے پی پی۔ 03 جولائی2025ء) وزیر اعلیٰ پنجاب مریم نواز شریف کی ہدایت پر ویسٹ مینجمنٹ کمپنی کی جانب سے محرم الحرام کے سلسلہ بھی بھرپور صفائی آپریشن کا آغاز کردیا گیا ہے۔ اس سلسلے میں ماتمی جلوسوں اور مجالس کے روٹس پر آپریشن کلین اپ اور ملبہ جات کی صفائی کا کام شروع کردیا گیا ہے ۔ ان خیالات کا اظہار ڈپٹی کمشنر وسیم حامد سندھو نے گزشتہ روز شہر کے مختلف علاقوں کا اچانک دورہ کے موقع پر کیا۔

ڈپٹی کمشنر نے صفائی آپریشن کی انسپکشن کی۔ڈویژنل منیجر آپریشن انوار الحق نے صفائی آپریشن اور کارکردگی پر بریفنگ دی۔ڈپٹی کمشنر نے عملہ صفائی سے ملاقات کی اور انکی کارکردگی کو سراہا۔ ڈپٹی کمشنر وسیم حامد سندھو نے کہا کہ شدید گرمی میں کوڑا کرکٹ صاف کرنے والے ورکرز ہمارے ہیروز ہیں،محرم الحرام کے موقع پر شہر بھر کی مثالی صفائی کیلئے خصوصی پلان تشکیل دیا گیا ہے۔

(جاری ہے)

وسیم حامد سندھو کا کہنا تھا کہ دیہی و شہری علاقوں میں یکساں صفائی آپریشن کیلئے ٹیمیں تشکیل دی گئیں ہیں جبکہ ستھرا پنجاب مہم کے دوران یومیہ کوڑا تلف کرنے کی شرح دگنی کردی گئی ہے۔وسیم حامد سندھو کا کہنا تھا کہ وزیراعلی پنجاب نے عملہ صفائی کی فلاح و بہبود کیلئے خصوصی اقدامات اٹھائے ہیں،شہری صفائی سے متعلق شکایت 1139 پر درج کرا سکتے ہیں۔