ش* 52 ویں کامن کے نئے بھرتی ہونے والے اے ایس پیز کا سنٹرل پولیس آفس کا دورہ

ٌ07 خواتین سمیت 33 اے ایس پیز کی آئی جی پنجاب ڈاکٹر عثمان انور سے ملاقات، ترجمان پنجاب پولیس

جمعہ 4 جولائی 2025 20:35

jلاہور (اُردو پوائنٹ اخبارتازہ ترین - آن لائن۔ 04 جولائی2025ء) 52 ویں کامن میں شامل نئے بھرتی ہونے والے اے ایس پیزکے وفد نے سنٹرل پولیس آفس کا دورہ کیا۔وفد میںشامل 07 خواتین سمیت 33 اے ایس پیز نے آئی جی پنجاب ڈاکٹر عثمان انور سے ملاقات کی ۔ ترجمان پنجاب پولیس نے بتایا کہ اے ایس پیز 20 جولائی سے نیشنل پولیس اکیڈمی میں ٹریننگ کا آغاز کریں گے۔

دوران ٹریننگ اے ایس پیز 28 جولائی تا 8 اگست تک پنجاب کے مختلف اضلاع میں ٹاسک سرانجام دیں گے۔آئی جی پنجاب نے زیر تربیت افسران کو سی سی ڈی، رائٹ منیجمنٹ پولیس، پولیس ایپس اور سمارٹ سیف سٹیز سمیت پولیس پراجیکٹس بارے آگاہ کیا۔آئی جی پنجاب نے کہا کہ اے ایس پیز لا اینڈ آرڈر، کرائم کنٹرول، ویلفیئر، عدالتی امور اورپولیس ریکارڈ مینجمنٹ سسٹم بارے آگاہی حاصل کریں گے۔

(جاری ہے)

پنجاب میں سسٹم کو سمجھنے اور انوسٹی گیشن بیسڈ جدید پولیسنگ سیکھنے کے وسیع مواقع ہیں۔آئی جی پنجاب نے نوجوان افسران کو بھرپور محنت اور لگن سے فرائض کی ادائیگی کا حکم دیا۔اس موقع پر ایڈیشنل آئی جی پنجاب سلطان احمد چوہدری، ڈی آئی جی ہیڈ کوارٹر ڈاکٹر محمد عابدخان ، ڈی آئی جی ویلفیئر اینڈ فنانس غازی محمد صلاح الدین، اے آئی جی فنانس ندا عمر چٹھہ اور اے آئی جی ویلفیئر عبدالرحیم شیرازی سمیت دیگر افسران بھی موجود تھے۔