وزیر اطلاعات و ثقافت پنجاب عظمی زاہد بخاری کایوم عاشورہ کے موقع پر پیغام

اتوار 6 جولائی 2025 13:50

لاہور (اُردو پوائنٹ اخبارتازہ ترین - اے پی پی۔ 06 جولائی2025ء) وزیر اطلاعات و ثقافت پنجاب عظمی زاہد بخاری نے یوم عاشورہ کے موقع پر اپنے پیغام میں کہا کہ10 محرم الحرام صبر، قربانی اور حق کی سربلندی کا دن ہے۔

(جاری ہے)

انہوں نے کہا کہ حضرت امام حسین کا پیغام صرف ایک عقیدہ نہیں پوری انسانیت کے ضمیر کی آواز ہے اور باطل کے سامنے خاموشی نہیں بلکہ حق کیلئے ڈٹ جانا ہی اصل وفا ہے۔انہوں نے کہا کہ پنجاب حکومت نے عزاداری کے پرامن انعقاد کیلئے تمام تر سہولیات فراہم کی ہیں، آئیے ہم اس دن کو اتحاد، رواداری اور امن کے عہد کے ساتھ گزاریں اور فرقہ واریت کو ہوا دینے والے عناصر سے مکمل لاتعلقی اختیار کریں۔