Live Updates

کہوٹہ ، شدید بارش کے باعث گھر کی چھت گرنے سے دو سالہ بچی جاں بحق، ماں اور دو کمسن بچے زخمی ہو گئے

اتوار 6 جولائی 2025 14:10

کہوٹہ (اُردو پوائنٹ اخبارتازہ ترین - اے پی پی۔ 06 جولائی2025ء) کہوٹہ شہر کے محلہ جہات میں شدید بارش کے باعث گھر کی چھت گرنے سے دو سالہ بچی جاں بحق، جبکہ ماں اور دو کمسن بچے زخمی ہو گئے۔ ریسکیو ذرائع کے مطابق امجد عرف بھٹو کے مکان کی چھت گرنے سے دو سالہ بچی جاں بحق جبکہ ان کی اہلیہ اور دو بچے زخمی ہو گئے۔

(جاری ہے)

حادثہ کی اطلاع ملتے ہی ایس ایچ او کہوٹہ پولیس نفری، ریسکیو اور سول ڈیفنس کی ٹیمیں فوری طور پر جائے وقوعہ پر پہنچے اور ملبے تلے دبے افراد کو نکال کر ابتدائی طبی امداد فراہم کی۔

شدید بارش کے باعث کہوٹہ مٹور چوک میں سیلاب کا منظر آنے لگا، پانی کنگ بیکری مٹور چوک سمیت متعدد دکانوں میں داخل ہوگیا۔ پانی زیادہ ہونے کے باعث بہت سی گاڑیاں سڑک پر بند ہوگئیں ۔دریائے سواں ،دریائے لنگ میں طغیانی آگئی۔\378