شدید بارشوں کے باعث راولپنڈی، اسلام آباد، خیبرپختونخوا، مری، گلیات ،کشمیر ، شمال مشرقی پنجاب ،کشمیر اور بلوچستان میں طغیانی کا خدشہ

اتوار 6 جولائی 2025 18:40

اسلام آباد (اُردو پوائنٹ اخبارتازہ ترین - اے پی پی۔ 06 جولائی2025ء) اتوار 6 جولائی کی رات سے منگل 8 جولائی کے دوران موسلا دھاراور شدیدموسلادھار بارشوں کے باعث مری، گلیات، مانسہرہ، کوہستان،ایبٹ آباد، بونیر، چترال، دیر، سوات، شانگلہ، نوشہرہ، صوابی، مردان، اسلام آباد،راولپنڈی، ڈی جی خان، شمال مشرقی پنجاب ،کشمیر اور بلوچستان کے مقامی و بر ساتی ندی نالوں میں طغیانی کا خدشہ ہے۔

(جاری ہے)

محکمہ موسمیات کی جانب سے اتوار کو جاری کئے گئے انتباہ کے مطابق اس دوران شدید بارشوں کے باعث خیبرپختونخوا، مری، گلیات اورکشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ بھی ہے۔ شدید بارشوں کے باعث اسلام آباد، راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علا قے زیر آب آنے کا اندیشہ ہے۔ عوام الناس سے گزارش کی گئی ہے کہ احتیاطی تدابیر پر عمل کریں ۔