بلوچستان ، تمام 1500فلاحی تنظیموں اور اداروں کی رجسٹریشن ختم

فلاحی تنظیموں کو31جولائی تک چیرٹیز اینڈ ریگولیشن اتھارٹی میں رجسٹریشن کی ہدایت کی گئی

پیر 7 جولائی 2025 16:16

بلوچستان ، تمام 1500فلاحی تنظیموں اور اداروں کی رجسٹریشن ختم

کوئٹہ(اُردو پوائنٹ اخبارتازہ ترین - این این آئی۔ 07 جولائی2025ء)بلوچستان کی چیرٹیز اینڈ ریگولیشن اتھارٹی نے محکمہ سماجی بہبود میں رجسٹرڈ تمام فلاحی تنظیموں اور اداروں کی رجسٹریشن منسوخ کردی۔رپورٹ کے مطابق ڈائریکٹر جنرل بلوچستان چیرٹیز اینڈ ریگولیشن اتھارٹی سلیم کھوسہ نے بتایاکہ بلوچستان میں 1500این جی اوز، فاؤنڈیشن، ٹرسٹ، مدارس، مساجد، ایسوسی ایشنز ، یونیز، کمیونٹی آرگنائزیشنز محکمہ سماجی بہبود میں رجسٹرڈ تھے لیکن اب ان تمام فلاحی تنظیموں اور اداروں کی رجسٹریشن منسوخ کردی گئی ہے۔

(جاری ہے)

انہوں نے بتایا کہ اب ان فلاحی تنظیموں اور اداروں کو 31جولائی تک دوبارہ بلوچستان چیرٹیز اینڈ ریگولیشن اتھارٹی میں رجسٹریشن کرانا ہوگی۔ ڈائریکٹر جنرل بلوچستان چیرٹیز اینڈ ریگولیشن اتھارٹی نے کہاکہ رجسٹریشن کے بغیر فنڈز وصول کرکے کام کرنے والی فلاحی تنظیموں اور اداروں کے خلاف کارروائی کے اختیارات ڈپٹی کمشنرز کے سپرد کردیے گئے ہیں۔انہوں نے خبردار کیا کہ خلاف ورزی کے مرتکب افراد کو ایک سال قید یا 20لاکھ روپے جرمانہ دینا پڑسکتا ہے، دونوں سزائیں ایک ساتھ بھی دی جاسکتی ہے۔