نگری بالا کی مقتولہ معصوم بیٹی کو انصاف کی فراہمی تک چین سے نہیں بیٹھیں گے،رہنما مسلم لیگ ن مرتضیٰ جاوید عباسی

پیر 7 جولائی 2025 16:58

ایبٹ آباد (اُردو پوائنٹ اخبارتازہ ترین - اے پی پی۔ 07 جولائی2025ء) سابق وفاقی وزیر و مسلم لیگ (ن) خیبر پختونخوا کے جنرل سیکرٹری مرتضیٰ جاوید عباسی نے کہا ہے کہ سمندر کھٹہ نگری بالا کی معصوم بیٹی کے ساتھ انسانیت سوز سلوک اور بہیمانہ قتل کی شدید مذمت کرتے ہیں، مقتولہ کو انصاف کی فراہمی تک چین سے نہیں بیٹھیں گے۔

(جاری ہے)

ایک بیان میں انہوں نے کہا کہ معصوم اقرا کے ساتھ جو سلوک ہوا وہ ناقابل فراموش و ناقابل برداشت ہے، ایبٹ آباد پولیس کی جانب سے مبینہ قاتل کی فوری گرفتاری قابل ستائش ہے تاہم انصاف کی مکمل فراہمی اور قاتل کے منطقی انجام تک وہ خاموش نہیں بیٹھیں گے۔ انہوں نے غمزدہ خاندان کو ہر طرح کی جانی، مالی، قانونی و اخلاقی امداد کی یقین دہانی کرائی۔