سندھ پولیس کے تمام افسران و جوان،یوم عاشورہ تک شب و روز مستعد و متحرک رہے،آئی جی سندھ

پیر 7 جولائی 2025 17:39

کراچی (اُردو پوائنٹ اخبارتازہ ترین - این این آئی۔ 07 جولائی2025ء)آئی جی سندھ غلام نبی میمن نے محرم الحرام ,بالخصوص یومِ عاشور، کے دوران غیرمعمولی سیکیورٹی اقدامات پر سندھ پولیس کو شاباش پیغام دیا ہے ۔آئی جی سندھ نے کہا کہ سندھ پولیس کے تمام افسران و جوان،یوم عاشورہ تک شب و روز مستعد و متحرک رہے۔حکومت سندھ اور پولیس کے ہر شعبہ نے سیکیورٹی و انتظامی امور بطریق احسن، انتہائی محنت،لگن اور ذمہ داری سے سرانجام دیئے۔

مجالس،جلوسوں اور مذہبی تقاریب کے لئے سیکورٹی کلیئرنس سمیت ٹریفک کے مجموعی انتظامات بھی تسلی بخش رہے۔ انہوں نے کہا کہ سیکورٹی انتظامات کے لئیجدیدٹیکنالوجی سمیت فضائی نگرانی اور لوکل انٹیلیجنس کا بھی بھرپور طریقے سے استعمال کیا گیا۔سیکورٹی انتظامات کے دوران تمام مکاتب فکر کے علما،ذاکرین، مشائخ،اکابرین سمیت تمام اسٹیک ہولڈرز کے مکمل تعاون پر شکرگزار ہیں۔

(جاری ہے)

شہریوں کی جانب سے پولیس سیکیورٹی انتظامات پر بھرپور اعتماد،تعاون اور اطمینان لائق تحسین ہے۔انہوںنے کہا کہ سندھ پولیس کے تمام یونٹس و ضلعی پولیس بشمول ٹریفک پولیس،ایس ایس یو،آر آر ایف، ایس پی یو، سٹی ٹی ڈی،سی آئی اے،اسپیشل برانچ،ٹیلی کمیونیکیشن،آئی ٹی،ٹریننگ سینٹرز و دیگر کا سیکیورٹی اقدامات میں کردار قابل ستائش رہا۔