وزیراعلیٰ نے اٹک میں دریائے سندھ میں طغیانی پر ہائی الرٹ کی ہدایات جاری کر دیں

پیر 7 جولائی 2025 20:29

لاہور(اُردو پوائنٹ اخبارتازہ ترین - این این آئی۔ 07 جولائی2025ء)وزیراعلیٰ پنجاب مریم نواز شریف نے ضلع اٹک میں دریائے سندھ میں خطرناک حد تک طغیانی کے پیش نظر ہائی الرٹ رہنے کی ہدایات جاری کیں۔ وزیر اعلیٰ مریم نواز شریف نے ریسکیو 1122، ضلعی انتظامیہ، پولیس اور تمام متعلقہ اداروں کومستعد اور تیار رہنے کا حکم دیا۔

(جاری ہے)

وزیراعلیٰ مریم نواز شریف نے کہا ہے کہ دریاؤں کے کنارے تمام حساس مقامات کی فوری طور پر جانچ کی جائے خطرہ ہو تو عوام کو محفوظ مقامات پر منتقل کیا جائے۔

دریا کی طغیانی سے کسی بھی جانی و مالی نقصان کو روکنے کیلئے تمام وسائل بروئے کار لائے جائیں۔وزیراعلیٰ مریم نواز شریف نے کہا کہ دریا کے بہاؤ اور بندوں کی صورتحال کی مسلسل نگرانی کی جائے۔ عوام کو ریسکیو کے پیشگی حفاظتی اقدامات سے آگاہ رکھا جائے۔ ریسکیو ٹیمیں ہر وقت تیار رہیں ضروری مشینری اور کشتیاں دستیاب رکھی جائیں۔ نشیبی علاقوں سے لوگوں کی محفوظ مقامات پر منتقلی یقینی بنائی جائے۔