معاونِ خصوصی برائے آئی ٹی ڈاکٹر شفقت ایازکا اپنے حلقہ نیابت کا دورہ

پیر 7 جولائی 2025 20:15

پشاور(اُردو پوائنٹ اخبارتازہ ترین - این این آئی۔ 07 جولائی2025ء)وزیراعلیٰ خیبرپختونخوا کے معاونِ خصوصی برائے سائنس و ٹیکنالوجی اور انفارمیشن ٹیکنالوجی ڈاکٹر شفقت ایاز چین کے حالیہ کامیاب دورے سے واپشی کے بعد اپنے حلقہ نیابت گئے ۔ اس دوران معاونِ خصوصی نے اپنے آبائی علاقے منزرے بابا (درگئی) غنی ڈھیرے للمہ میں چیئرمین سلیمان خان اور سیکریٹری ارشاد خان کے چچا کے انتقال پر فاتحہ خوانی کی اور مرحوم کے درجات کی بلندی و مغفرت کے لیے دعا کی۔

اس موقع پر انہوں نے اظہار خیال کرتے ہوئے کہا کہ غم اور دکھ کی ایسی گھڑی میں غم زدہ خاندانوں کے ساتھ کھڑا ہونا ہی اصل قیادت اور خدمت کا معیار ہوتا ہے۔ معاونِ خصوصی برائے سائنس و ٹیکنالوجی بعد ازاں مینہٰ منزری بابا میں نادر پرویز خان کی رہائش گاہ پر بھی گئے ان کے صاحبزادے عبید خان کے انتقال پرتعزیت اور فاتحہ خوانی کی، اور لواحقین سے دلی ہمدردی کا اظہار کیا۔

(جاری ہے)

ڈاکٹر شفقت ایاز نے اپنے دورہ کے دوران حلقہ کے معززین سے بھی ملاقات کی اور ان سے گفتگو کرتے ہوئے کہا وہ عوامی خدمت کو صرف سرکاری دفتروں یا پریس کانفرنسوں تک محدود نہیں رکھتے بلکہ تحریک انصاف کی قیادت کے وژن کے مطابق خوشی اور غم کی گھڑی میںہر لمحہ اپنے عوام کے ساتھ کھڑے ہیں۔انہوں نے مزید کہا کہ خیبرپختونخوا کے عوام نے 8 فروری کو جس اعتماد کے ساتھ پاکستان تحریک انصاف کو ووٹ دیا ہے اس اعتماد کو ہم عوامی خدمت اور عملی فلاحی اقدامات سے پورا کریں گے۔یہی وہ رابطہ ہے جو ایک لیڈر کو عوام کے دلوں سے جوڑتا ہے، اور ہمیں فخر ہے کہ ہم اس مشن پر گامزن ہیں۔