ایلون مسک کا سیاسی پارٹی بنانے کا مہنگا فیصلہ، 76 ارب ڈالر کا نقصان

منگل 8 جولائی 2025 22:32

نیویارک (اُردو پوائنٹ اخبارتازہ ترین - آن لائن۔ 08 جولائی2025ء) دنیا کے امیر ترین شخص ایلون مسک کو نئی امریکی سیاسی جماعت بنانے کا اعلان مہنگا پڑ گیا۔ ان کی کمپنی ٹیسلا کے شیئرز میں زبردست کمی واقع ہوئی ہے، جس سے کمپنی کی مالیت میں تقریباً 76 ارب ڈالر کی کمی ہو گئی۔

(جاری ہے)

برطانوی اخبار کی رپور ٹ کے مطابق ٹیسلا کے حصص کی قیمت میں 7.5 فیصد کمی دیکھی گئی، جس کی وجہ ایلون مسک کی جانب سے نئی امریکا پارٹی کے قیام کا اعلان بتایا جا رہا ہے۔

یہ گراوٹ سرمایہ کاروں کے اس خدشے کے باعث سامنے آئی کہ سیاست میں مسک کی دلچسپی ٹیسلا کی توجہ اور ترقی میں رکاوٹ بن سکتی ہے۔ایلون مسک نے اپنے پلیٹ فارم ایکس پر لکھا ہم ایک جماعتی نظام میں جی رہے ہیں، جمہوریت میں نہیں۔ امریکا پارٹی آپ کو آپ کی آزادی واپس دلانے کے لیے بنائی گئی ہے۔