خیبر پختونخوا سے قومی اسمبلی کی خواتین کی دو (2)مخصوص خالی نشستوں کیلئے کاغذات نامزدگی جمع کرانیکا سلسلہ کل شروع ہوگا

منگل 8 جولائی 2025 23:43

پشاور(اُردو پوائنٹ اخبارتازہ ترین - آن لائن۔ 08 جولائی2025ء)صوبہ خیبر پختونخوا سے قومی اسمبلی کی خواتین کی دو (2)مخصوص خالی نشستوں کیلئے کاغذات نامزدگی جمع کرانیکا سلسلہ بروز بدھ مورخہ9 جولائی 2025 سے شروع ہوگا۔ خیبرپختونخوا سے مسلم لیگ ن کے کوٹے پر قومی اسمبلی میں خواتین کی دومخصوص نشستوں پر انتخابی شیڈول کے مطابق بروز منگل ریٹرننگ آفیسر، جوائنٹ صوبائی الیکشن کمشنر، خیبرپختونخوا محمد فرید آفریدی نے پبلک نوٹس جاری کیا۔

کل سے کاغذات نامزدگی جمع کرانیکا سلسلہ شروع ہوگا جو 10جولائی تک جاری رہیگا۔کا غذات نامزدگی ریٹرننگ آفیسر یعنی جوائینٹ صوبائی الیکشن کمشنر خیبرپختونخوا محمد فرید آفریدی کے دفتر واقع شامی روڈ بالمقابل گالف کلب گیٹ نمبر 2 کے پاس دفتری اوقات کے دوران جمع کئے جاسکتے ہیں۔

(جاری ہے)

11جولائی کو امیدواروں کے نام شائع کئے جائینگے۔ 14جولائی تک کاغذات نامزدگی کی جانچ پڑتال کی جائیگی۔

ریٹرننگ آفیسر کی جانب سے کاغذات کی منظوری یا مسترد ہونیکے خلاف اپیلیں 17 جولائی تک جمع کئے جاسکیں گے۔ ٹرائیبیونل کی جانب سے ان اپیلوں پر فیصلے 21 جولائی تک کیے جائینگے۔22 جولائی کو امیدواروں کی نظرثانی شدہ فہرست جاری کی جائیگی۔ امیدوار اپنے کاغذات 23 جولائی تک واپس لے سکیں گے۔24 جولائی کو امیدواروں کی حتمی فہرست جاری کی جائیگی۔ خواتین کی مخصوص نشست کے لئیے مسلم لیگ (ن) کی طرف سے امیدواروں کی ترجیحی فہرست ریٹرننگ آفیسر کے پاس دفتری اوقات کے دوران 10 جولائی 2025 تک جمع کی جاسکتی ہے۔