ملتان پولیس محافظ سکواڈ نے چوری و رابری کی متعدد وارداتوں میں ملوث اشتہاری کو گرفتار کر لیا

جمعرات 10 جولائی 2025 20:40

ملتان (اُردو پوائنٹ اخبارتازہ ترین - اے پی پی۔ 10 جولائی2025ء) ملتان پولیس محافظ سکواڈ ٹیم نے چوری و رابری کی 25 سے زائد وارداتوں میں ریکارڈ یافتہ ٹارگٹ افینڈر اور اشتہاری عبد الرحمن ولد علی محمد کو گرفتار کر لیا۔پولیس کے مطابق یہ اہم کارروائی انچارج محافظ اسکواڈ شاہد نواز ہراج نے اپنی ٹیم کے ہمراہ کی ۔

(جاری ہے)

پولیس ٹیم نے ای پولیس ایپلی کیشن کی مدد سے ملزم کو مشکوک جانتے ہوئے چیک کیا تو ملزم طویل عرصے سے قانون کی گرفت سے فرار تھا، جسے مزید کارروائی کے لیے تھانہ لوہاری گیٹ پولیس کے حوالے کردیا گیا ۔

سی پی او ملتان صادق علی ڈوگر نے پولیس ٹیم کی کارکردگی کو سراہتے ہوئے ہدایت کی کہ ٹارگٹ افینڈرز اور جرائم پیشہ عناصر کے خلاف بلا تفریق کارروائیاں جاری رکھی جائیں۔ انہوں نے کہا کہ عوام کے جان و مال کا تحفظ پولیس کی اولین ترجیح ہے۔