’’اراضی معاون سنٹر‘‘کیلئے رجسٹریشن شروع

فردکا حصول،انتقال اراضی کا اندراج ہوگا‘ ڈی جی اکرم الحق

جمعہ 11 جولائی 2025 17:56

لاہور (اُردو پوائنٹ اخبارتازہ ترین - این این آئی۔ 11 جولائی2025ء) اراضی ریکارڈ کا آسان حصول، صوبہ بھر میں اراضی معاون پروگرام کا آغاز ہو گیا ، پنجاب لینڈ ریکارڈ اتھارٹی کے فرنچائز نظام ’’اراضی معاون سنٹر‘‘کیلئے رجسٹریشن شروع کر دی گئی ۔

(جاری ہے)

تفصیلات کے مطابق فرنچائزز پبلک پرائیویٹ پارٹنرشپ کے تحت چلائی جائیں گی ،فردکا حصول،انتقال اراضی کا اندراج ہوگا، ساہیوال میں بطور پائلٹ پراجیکٹ کامیابی کے بعدپنجاب بھر میں نظام متعارف کرایا جائے گا ۔

منصوبہ برائے اصلاح نظام اراضی، بورڈ آف ریونیو کی خدمات کی فراہمی کے لئے شروع کیا گیا، پبلک پرائیویٹ شراکت داری کے تحت اراضی معاون لائسنس متعارف کروایا گیا۔ڈی جی اکرام الحق کا کہنا تھا کہ معاون سنٹر کے قیام سے روایتی پٹوار خانوں پر انحصار کم ہو جائے گا، منصوبے کا مقصد باعزت روزگار ،اراضی سے متعلقہ سہولیات کی آسان فراہمی ہے۔