تیزی سے بڑھتی آبادی ملکی وسائل اور ترقی پر بوجھ ہے،چیئرمین سینیٹ

آئندہ نسلوں کو بنیادی سہولیات کی فراہمی مشکل ہو سکتی ہے،سید یوسف رضا گیلانی کا بیان

جمعہ 11 جولائی 2025 17:59

تیزی سے بڑھتی آبادی ملکی وسائل اور ترقی پر بوجھ ہے،چیئرمین سینیٹ

اسلام آباد (اُردو پوائنٹ اخبارتازہ ترین - این این آئی۔ 11 جولائی2025ء)چیئرمین سینیٹ سید یوسف رضا گیلانی نے کہا ہے کہ تیزی سے بڑھتی آبادی ملکی وسائل اور ترقی پر بوجھ ہے،پارلیمان آبادی کے مسئلے کے حل کیلئے قانون سازی میں مؤثر کردار ادا کرے گا۔ ان خیالات کا اظہارا نہوں نے جمعہ کو عالمی یومِ آبادی کے موقع پر اپنے خصوصی پیغام میں کیا۔ انہوں نے کہا کہ 11 جولائی دنیا بھر میں عالمی یومِ آبادی کے طور پر منایا جاتا ہے،تیزی سے بڑھتی آبادی ملکی وسائل اور ترقی پر بوجھ ہے،آبادی میں توازن کے بغیر پائیدار ترقی ممکن نہیں۔

(جاری ہے)

سید یوسف رضا گیلانی نے کہا کہ آئندہ نسلوں کو بنیادی سہولیات کی فراہمی مشکل ہو سکتی ہے،غربت، بے روزگاری اور ماحولیاتی مسائل آبادی کے دباؤ سے جٴْڑے ہیں،قومی سطح پر مشترکہ حکمتِ عملی کی اشد ضرورت ہے۔ چیئرمین سینیٹ نے مزید کہا کہ پارلیمان آبادی کے مسئلے کے حل کے لیے قانون سازی میں مؤثر کردار ادا کرے گا۔ انہوں نے کہا کہ اس اہم مسئلہ کے حل کیلئے مذہبی رہنما، حکومت، میڈیا اور سول سوسائٹی ایک صفحے پر آئیں۔ انہوں نے پاکستان کو ایک متوازن، ترقی یافتہ اور خوشحال ریاست بنانے کے عزم کا اظہار بھی کیا۔