ٹرمپ کا کینیڈا پر تجارتی دباؤ میں اضافہ، درآمدات پر 35 فیصد نیا ٹیرف نافذ کرنے کا اعلان

جمعہ 11 جولائی 2025 18:35

واشنگٹن (اُردو پوائنٹ اخبارتازہ ترین - آن لائن۔ 11 جولائی2025ء) امریکی صدر ڈونلڈ ٹرمپ نے کینیڈا پر اپنے ٹیرف حملے کو تیز کرتے ہوئے اعلان کیا ہے کہ آئندہ ماہ اگست سے کینیڈا سے درآمدات پر 35 فیصد ٹیرف نافذ کیا جائے گا، جبکہ زیادہ تر دیگر تجارتی شراکت داروں پر بھی 15 سے 20 فیصد کے عمومی ٹیرف عائد کرنے کا منصوبہ بنایا گیا ہے۔ غیر ملکی خبر رساں اد ارے کے مطابق سوشل میڈیا پلیٹ فارم پر جاری ایک خط میں، صدر ٹرمپ نے کینیڈین وزیرِاعظم مارک کارنی کو مطلع کیا کہ یہ نیا نرخ یکم اگست سے نافذ العمل ہوگا، اور اگر کینیڈا نے جوابی اقدامات کیے تو یہ شرح مزید بڑھ سکتی ہے۔

ایکس اکاؤنٹ پر اپنے ردعمل میں وزیرِاعظم کارنی نے کہا کہ ان کی حکومت امریکی حکام کے ساتھ مذاکرات میں کینیڈین کارکنوں اور کاروباروں کا دفاع جاری رکھے گی کیونکہ وہ اس ڈیڈ لائن کی جانب بڑھ رہے ہیں۔

(جاری ہے)

جاپان سمیت مختلف ممالک پر نئے امریکی ٹیرف کا اعلان، تفصیلات سامنے آگئیںیہ 35 فیصد ٹیرف اس وقت نافذ 25 فیصد شرح سے بڑھا کر لگایا جا رہا ہے، جو صدر ٹرمپ نے پہلے ہی کینیڈا پر عائد کر رکھا تھا۔

یہ اقدام وزیرِاعظم کارنی کے لیے ایک دھچکا ہے، جو واشنگٹن کے ساتھ ایک تجارتی معاہدہ کرنے کی کوشش میں تھے۔صدر ٹرمپ نے اپنے خط میں کینیڈا سے فینٹانائل کی مبینہ اسمگلنگ، اور اس کے ٹیرف اور غیر ٹیرف تجارتی رکاوٹوں پر شکایت کی، جن سے امریکی ڈیری فارمرز اور دیگر شعبے متاثر ہو رہے ہیں۔ انہوں نے کہا کہ تجارتی خسارہ امریکی معیشت اور قومی سلامتی کے لیے خطرہ ہے۔ٹرمپ نے لکھا اگر کینیڈا فینٹانائل کی آمد کو روکنے کے لیے میرے ساتھ کام کرے گا، تو شاید ہم اس خط میں ترمیم پر غور کریں۔کینیڈین حکام کا کہنا ہے کہ کینیڈا سے فینٹانائل کی مقدار نہایت قلیل ہے، لیکن وہ سرحدی سیکیورٹی کو مضبوط بنانے کے لیے اقدامات کر چکے ہیں۔