ووٹ کا صحیح استعمال ایک باشعور معاشرے کی پہچان ہے،ڈسٹرکٹ الیکشن کمشنرکوٹ ادو

ہفتہ 12 جولائی 2025 17:40

مظفرگڑھ (اُردو پوائنٹ اخبارتازہ ترین - اے پی پی۔ 12 جولائی2025ء) گورنمنٹ پوسٹ گریجویٹ کالج کوٹ ادو میں طلباء و طالبات کو ووٹ کی اہمیت کے بارے میں آگاہی دینے کیلئے سمینار کا انعقاد کیا گیا۔ڈسٹرکٹ الیکشن کمشنر اللّٰہ بخش ملغانی اور اسسٹنٹ الیکشن کمشنر نور الامین نے اس موقع پر خطاب کرتے ہوئے کہا کہ ووٹ ایک قومی امانت ہے اور اس کا صحیح استعمال ایک باشعور معاشرے کی پہچان ہے۔

آج کے طلباء کل کے ووٹر اور قائد ہیں اور ان میں انتخابی عمل سے متعلق شعور اجاگر کرنا وقت کی اہم ترین ضرورت ہے۔

(جاری ہے)

ہم چاہتے ہیں کہ ہمارے طلباء نہ صرف ووٹ کی اہمیت کو سمجھیں بلکہ خود بھی معاشرتی بہتری کیلئے سرگرم کردار ادا کریں۔ الیکشن کمیشن آف پاکستان اس بات پر یقین رکھتا ہے کہ جمہوریت کی جڑیں تبھی مضبوط ہونگی جب ہر شہری خاص طور پر نوجوان اپنے آئینی حقوق اور ذمہ داریوں سے مکمل طور پر آگاہ ہونگے۔

سیمینارمیں مختلف معلوماتی پریزنٹیشنز،سوال و جواب کے سیشنز اور طلباء کی شرکت پر مبنی سرگرمیاں شامل تھیں، جس نے شرکاء کی بھرپور توجہ حاصل کی ۔ سیمینار میں اس بات پر زور دیا گیا کہ نوجوان اپنے اور اپنے کے خاندان کے قومی شناختی کارڈ لازمی بنوائیں اور ووٹ کے اندراج کو یقینی بنایا جائے۔\378