ژوب واقعہ‘ 3 ماہ قبل شادی کرنیوالا آصف بھی شہیدوں میں شامل

اہل خانہ غم سے نڈھال ‘ واحد کفیل تھا ،گھر والوں کی کفالت حکومتی امداد کے بغیر ناممکن

اتوار 13 جولائی 2025 12:00

مظفرگڑھ (اُردو پوائنٹ اخبارتازہ ترین - این این آئی۔ 13 جولائی2025ء)بلوچستان کے ضلع ژوب میں دہشتگردی میں جان گنوانے والے مظفرگڑھ کے آصف کے اہل خانہ غم سے نڈھال ہیں۔آصف ژوب میں کنسٹرکشن کمپنی میں 25 ہزار روپے پر ملازم تھا اور گھر کا واحد کمانے والا تھا۔

(جاری ہے)

آصف کے بعد اس کے خاندان کی کفالت حکومتی امداد کے بغیر ممکن نہیں ہے، مرحوم آصف کی 3 مہینے پہلے شادی ہوئی تھی۔یاد رہے کہ تین روز قبل ژوب میں دہشت گردوں نے مسافر بس سے اتار کر 9 افراد کو قتل کر دیا تھا، واقعے کا مقدمہ تھانا سی ٹی ڈی ژوب میں درج کرلیا گیا ہے اور مقدمے میں قتل اور انسدادِ دہشت گردی کی دفعات شامل کی گئی ہیں۔