Live Updates

q تحریک انصاف کی (ن) لیگی وزراء کے بیانات پر شدید تنقید

ًپارٹی کی تحریک کے اعلان کے ساتھ ہی اس کی کامیابی کے اثرات سامنے آنا شروع ہو گئے ہیں،شیخ وقاص اکرم % حکمران جماعت اپنے خوف پر قابو پانے کے لیے کٹھ پتلیوں کے درباریوں اور وفاداروں کو میڈیا پر ’صدا گری‘ کے لیے میدان میں اتار رہی ہے،پی ٹی آئی ترجمان

پیر 14 جولائی 2025 03:20

t اسلام آباد(اُردو پوائنٹ اخبارتازہ ترین - آن لائن۔ 14 جولائی2025ء)پاکستان تحریک انصاف نے مسلم لیگ (ن) کے وزرا کے حالیہ بیانات کو شدید تنقید کا نشانہ بناتے ہوئے کہا ہے کہ پارٹی کی تحریک کے اعلان کے ساتھ ہی اس کی کامیابی کے اثرات سامنے آنا شروع ہو گئے ہیں۔پی ٹی آئی کے ترجمان شیخ وقاص اکرم نے کہاکہ لیگی وزرا کی جانب سے جاری بیانات اس بات کی علامت ہیں کہ پنجاب اور مرکز میں ’مینڈیٹ چوری‘ کے ذریعے اقتدار پر قابض عناصر میں شدید بیچینی اور خوف پایا جا رہا ہے۔

انہوں نے الزام عائد کیا کہ حکمران جماعت اپنے خوف پر قابو پانے کے لیے کٹھ پتلیوں کے درباریوں اور وفاداروں کو میڈیا پر ’صدا گری‘ کے لیے میدان میں اتار رہی ہے، جب کہ حکومتی مشینری ایک طرف اپنی بقا کے لیے دعائیں مانگ رہی ہے اور دوسری جانب عوام کو گمراہ کرنے کی سازشیں تیار کررہی ہے۔

(جاری ہے)

ترجمان نے مزید کہاکہ جو تباہی ملک اور قوم پر مسلط کی گئی ہے، وہ خود ان کے چہروں سے ان کے مکروہ عزائم کو عیاں کررہی ہے۔

عوام اب جان چکے ہیں کہ یہ گروہ صرف جبر، ظلم اور فسطائیت کے بل بوتے پر اقتدار میں ہے، انہیں عوامی مینڈیٹ حاصل نہیں۔شیخ وقاص اکرم کا کہنا تھا کہ چیئرمین تحریک انصاف عمران خان کی رہائی نہ صرف آئینی اور قانونی تقاضا ہے بلکہ جمہوریت کی بقا کے لیے بھی ناگزیر ہے۔ ان کے بقول موجودہ ’غاصب حکومت‘ ہر ممکن حربہ استعمال کررہی ہے تاکہ عمران خان کو قید میں رکھا جا سکے، لیکن قوم نے فیصلہ کر لیا ہے کہ وہ آئین، عدلیہ اور میڈیا کو یرغمال بنانے کی کسی کوشش کو کامیاب نہیں ہونے دے گی۔واضح رہے کہ وزیراعلیٰ خیبرپختونخوا علی امین گنڈاپور نے گزشتہ رات لاہور میں حکومت مخالف تحریک کا اعلان کرتے ہوئے الٹی میٹم دیا کہ 90 روز میں عمران خان کو رہا کیا جائے ورنہ ا?ر یا پار ہوگا۔