Live Updates

کوہ سلیمان کے ندی نالوں میں طغیانی، وزیراعلیٰ مریم نواز کا ڈی جی خان کی انتظامیہ اور اداروں کو الرٹ رہنے کا حکم

پیر 14 جولائی 2025 15:42

لاہور (اُردو پوائنٹ اخبارتازہ ترین - این این آئی۔ 14 جولائی2025ء)وزیراعلیٰ پنجاب مریم نواز شریف نے کوہ سلیمان کے ندی نالوں میںطغیانی پر ڈی جی خان کی انتظامیہ اور اداروں کو الرٹ رہنے کا حکم دیا ہے۔ وزیراعلیٰ مریم نواز شریف نے راجن پور اور دیگر علاقوں میں برسات کی وجہ سے جمع پانی کی نکاسی کی ہدایت کی اور تونسہ کے علاقوں میں سیلابی ریلے آنے سے متاثرہ علاقوں میں ریلیف کارروائیوں کا حکم دیا۔

(جاری ہے)

وزیراعلیٰ مریم نواز شریف نے تمام نشیبی علاقوں میںپانی کی نکاسی کے لئے تیز ترین انتظامات کا حکم دیا اور ڈیرہ غازی خان اور دیگر علاقوں کے لوگوں کو بارش کی وجہ سے درپیش پریشانیوں کے فوری ازالے کی ہدایت کی۔ وزیراعلیٰ مریم نواز شریف نے کہا کہ بارش کا پانی کھڑے ہونے سے عوام بالخصوصی بچوں اور خواتین کو دشواری کا سامنا کرنا پڑتا ہے۔ ہر صورت میں پانی کی نکاسی جلد از جلد مکمل کی جائے۔