گ* پاکستانی عوام کی صحت اور ادویات کے معیار پر کوئی سمجھوتہ نہیں ہوگا‘مصطفی کمال

پیر 14 جولائی 2025 20:40

اسلام آباد(اُردو پوائنٹ اخبارتازہ ترین - آن لائن۔ 14 جولائی2025ء)وفاقی وزیر صحت مصطفی کمال کی زیر صدارت ڈریپ کا اجلاس ہوا۔ اجلاس میں وفاقی سیکرٹری ہیلتھ سید وقارالحسن ایڈیشنل سیکرٹری ہیلتھ اور سی آی او ڈریپ بھی شریک اجلاس میں میڈیکل ڈیوائسز کی ڈیجیٹایزیشن کے حوالے تیاریوں کا جائزہ لیا گیا ۔ وزیرصحت مصطفی کمال نے کہا کہ صحت کے شعبے میں بڑے پیمانے پر اصلاحات کی جارہی ہیں۔

پاکستانی عوام کی صحت اور ادویات کے معیار پر کوئی سمجھوتہ نہیں ہوگا۔

(جاری ہے)

پاکستان کا فارماسیوٹیکل اور میڈیکل ڈیوائسز کا شعبہ بے پناہ معاشی صلاحیت رکھتا ہے۔ مصطفی کمال نے کہا کہ میڈیکل ڈیوائسز کے نظام کو ڈیجیٹائز کیا جارھا ھے۔رجسٹریشن اور لائسنسنگ کا نظام آن لائن ہو گا۔ ریگولیٹری نظام کو جدید بنانے کی طرف ایک اہم پیش رفت ہے۔ ڈریپ کو ایسا ادارہ بنانا چاہتے ہیں جو مؤثر، جدید، شفاف اور عوام دوست ہو ‘عوام کو بروقت معیاری، محفوظ ادویات کی فراہمی کو یقینی بنارہے ہیں۔ مصطفی کمال نے کہا کہ ایکسپورٹ کو بڑھانے کیلیے مربوط حکمت عملی تشکیل دی ھے ۔