Live Updates

وزیراعلی مریم نواز سے سپیکر ملک محمد احمد خان کی ملاقات،سیاسی و انتظامی صورتحال پر تبادلہ خیال

منگل 15 جولائی 2025 23:43

لاہور (اُردو پوائنٹ اخبارتازہ ترین - اے پی پی۔ 15 جولائی2025ء) وزیراعلی مریم نواز شریف سے سپیکر پنجاب اسمبلی ملک محمد احمد خان نے ملاقات کی۔ملاقات میں صوبے کی مجموعی سیاسی و انتظامی صورتحال پر تبادلہ خیال کیا گیا۔ سپیکر پنجاب اسمبلی ملک محمد احمد خان نے وزیراعلی کو مہنگائی، تجاوزات اور قبضہ مافیا کے سدباب کیلئے پیرا کے قیام پر خراج تحسین پیش کیا اور مون سون کے دوران حکومت پنجاب کے موثر اقدامات کو سراہا۔

(جاری ہے)

وزیراعلی مریم نواز شریف نے سپیکر پنجاب اسمبلی ملک محمد احمد خان سے گفتگو کرتے ہوئے کہا کہ پیرا جیسے ادارے کے قیام سے عام آدمی کو ریلیف ملے گا۔ پنجاب کے ہر فرد کی فلاح میری ترجیح ہے یہی سوچ ہر فیصلے کی بنیاد ہے۔عوام کی بنیادی سہولیات تک رسائی میرا نصب العین ہے۔ ملک محمد احمد خان نے کہا کہ وزیر اعلی پنجاب سیاست سے بالاتر ہو کر عوام کی خدمت کر رہی ہیں،ہر طبقہ مطمئن نظر آتا ہے۔پہلی بار ترقیاتی منصوبوں کا مرکز صرف لاہور یا بڑے شہر نہیں بلکہ پنجاب کا ہر پسماندہ علاقہ ہے۔