اسلحہ کی نوک پر شہریوں سے موبائل فون ،نقدی و دیگر اشیاء چھیننے کی وارداتوں میں ملوث منظم گروہ کے تین ارکان گرفتار

منگل 15 جولائی 2025 20:30

اسلام آباد (اُردو پوائنٹ اخبارتازہ ترین - اے پی پی۔ 15 جولائی2025ء) تھانہ کوہسار پولیس نے کارروائی کرتے ہوئے اسلحہ کی نوک پر شہریوں سے موبائل فون ،نقدی و دیگر اشیاء چھیننے کی وارداتوں میں ملوث منظم گروہ کے تین ارکان کو گرفتار کرلیا۔پولیس ترجمان کے مطابق گرفتار ملزمان راہزنی کے متعدد مقدمات میں مطلوب تھے ۔گرفتار ملزمان کے خلاف تھانہ کوہسار میں مقدمات درج ہیں۔

(جاری ہے)

ملزمان کی شناخت احمد صابر، عمران اللہ اور نقیب اللہ کے ناموں سے ہوئی ہے ۔گرفتار ملزمان کے قبضہ سے چھینے گئے لیپ ٹاپ ،موبائل فون ، نقدی، وارداتوں میں استعمال ہونے وا لی گاڑی ،اسلحہ معہ ایمونیشن برآمد کیا گیا۔ڈی آئی جی اسلام آباد پولیس محمد جواد طارق نے کہا کہ ملزمان کو قرار واقعی سزا دلوانے کے لئے تمام قانونی تقاضے پورے کئے جائیں گے،منظم اور متحرک گینگز کے خلاف بڑے پیمانے پر کارروائیاں عمل میں لائی جارہی ہیں۔