پاکستان انڈر23 فٹبال ٹیم اے ایف سی ایشین کپ کوالیفائرز کے لیے کمبوڈیا پہنچ گئی

منگل 2 ستمبر 2025 11:48

اسلام آباد(اُردو پوائنٹ اخبارتازہ ترین - این این آئی۔ 02 ستمبر2025ء)پاکستان کی انڈر 23 قومی فٹبال ٹیم اے ایف سی انڈر 23 ایشین کپ 2026 کوالیفائرز میں شرکت کے لیے نوم پنہ (کمبوڈیا) پہنچ گئی ہے۔

(جاری ہے)

ترجمان پی ایف ایف کے مطابق ٹیم نے کراچی سے ایک نجی ایئر لائن کے ذریعے سفر کیا، جس میں بینکاک میں مختصر قیام بھی شامل تھا اور پھر کمبوڈیا کے دارالحکومت میں لینڈ کیا۔پاکستان اپنے ابتدائی گروپ میچ میں(آج) 3 ستمبر کو عراق کے خلاف میدان میں اترے گا، 6 ستمبر کو میزبان کمبوڈیا سے ٹکرائے گا، جبکہ 9 ستمبر کو عمان کے خلاف کھیل کر گروپ سٹیج کا اختتام کرے گا۔ اے ایف سی انڈر 23 ایشین کپ 2026 کی میزبانی سعودی عرب کرے گا۔