یوسف رضا گیلانی کا حالیہ بارشوں سے جانی و مالی نقصان پر اظہار افسوس

بدھ 16 جولائی 2025 19:48

اسلام آباد (اُردو پوائنٹ اخبارتازہ ترین - این این آئی۔ 16 جولائی2025ء)چیئرمین سینیٹ محمد یوسف رضا گیلانی نے حالیہ شدید بارشوں کے نتیجے میں مختلف علاقوں میں قیمتی انسانی جانوں کے ضیاع اور متعدد افراد کے زخمی ہونے پر گہرے دکھ اور افسوس کا اظہار کیا ہے۔ انہوں نے جاں بحق افراد کے لواحقین سے دلی ہمدردی و تعزیت کا اظہار کرتے ہوئے مرحومین کے لیے مغفرت اور زخمیوں کی جلد صحتیابی کے لیے دعا کی۔

(جاری ہے)

اپنے بیان میں چیئرمین سینیٹ نے کہا کہ قدرتی آفات آزمائش کا وقت ہوتی ہیں اور پوری قوم کو متحد ہو کر ایک دوسرے کی مدد کرنی چاہیے۔ انہوں نے متعلقہ اداروں کو ہدایت کی کہ متاثرہ علاقوں میں ریسکیو اور ریلیف کا عمل فوری اور موثر بنایا جائے تاکہ مزید جانی نقصان سے بچا جا سکے۔انہوں نے وفاقی و صوبائی حکومتوں پر زور دیا کہ وہ متاثرہ خاندانوں کی مکمل معاونت کریں اور بنیادی سہولیات کی فراہمی کو یقینی بنائیں۔