اردو ادب کے عظیم شاعرساغر صدیقی کی51ویں برسی 19جولائی ہفتہ کو منائی جائیگی

جمعرات 17 جولائی 2025 11:33

ٹھٹھہ صادق آباد(اُردو پوائنٹ اخبارتازہ ترین - این این آئی۔ 17 جولائی2025ء) اردو ادب کے عظیم شاعرساغر صدیقی کی51ویں برسی 19جولائی ہفتہ کو منائی جائے گی۔ساغر صدیقی1928ء کو بھارت کے شہر انبالہ میں پیدا ہوئے ان کا اصل نام محمد اختر جبکہ ساغر تخلص تھا۔

(جاری ہے)

قیام پاکستان کے بعد ساغر صدیقی امرتسر سے لاہور منتقل ہو گئے ساغر صدیقی نے عشق مجازی،عشق حقیقی،جدوجہد،لگن اور آوارگی کو اپنی شاعری کا موضوع بنایا ان کے کلام کا بہت سا حصہ چھپ نہ سکا ہے جبکہ اکثر سرقہ کر لیا گیا تھا انہیں یہ اعزاز بھی حاصل ہے کہ وہ پاکستان کے غیر سرکاری قومی ترانے کے خالق بھی ہیں۔

درویش صفت شاعرساغر صدیقی نے اپنی زندگی کا بیشتر حصہ بے سروسامانی کے عالم میں سڑکوں پر گزار دیا۔ساغرصدیقی 19جولائی 1974ء کو اس جہان فانی سے رخصت ہو گئے۔