ترجمان امریکی محکمہ خارجہ کا سندھ طاس معاہدے کی معطلی کے سوال کا جواب دینے سے گریز

جمعرات 17 جولائی 2025 17:00

واشنگٹن(اُردو پوائنٹ اخبارتازہ ترین - این این آئی۔ 17 جولائی2025ء)ترجمان امریکی محکمہ خارجہ ٹیمی بروس نے بھارت کی جانب سے سندھ طاس معاہدے کی معطلی کے سوال کا جواب دینے سے گریز کیا۔

(جاری ہے)

ترجمان امریکی محکمہ خارجہ ٹیمی بروس نے پریس کانفرنس کرتے ہوئے کہا کہ میرے پاس اس مخصوص موضوع پر کہنے کیلئے کچھ نہیں، اس سوال پر آپ کو تفصیلی جواب دیں گے، اسرائیل اور شام کے درمیان کشیدگی ختم کرنے کیلئے کردار ادا کررہے ہیں۔

ٹیمی بروس کا کہنا تھاکہ غزہ کے معاملے پر مذاکرات جاری ہیں، جنگ بندی کی شرائط پر عملدرآمد کیلئے لائحہ عمل طے کیا جا رہا ہے، غزہ میں حالیہ ہلاکتوں کی ذمہ دار حماس ہے۔انہوں نے مزید کہا کہ امریکی صدر ٹرمپ روس کے رویے سے خوش نہیں، ٹرمپ روس یوکرین کا معاملہ سفارتکاری سے حل کرنا چاہتے ہیں۔