چیف آف آرمی سٹاف فیلڈ مارشل سید عاصم منیرسے لیبیا کی مسلح افواج کے کمانڈر انچیف کی ملاقات

جمعہ 18 جولائی 2025 16:35

راولپنڈی (اُردو پوائنٹ اخبارتازہ ترین - اے پی پی۔ 18 جولائی2025ء) چیف آف آرمی سٹاف فیلڈ مارشل سید عاصم منیرسے لیبیا کی مسلح افواج کے کمانڈر انچیف لیفٹیننٹ جنرل صدام خلیفہ حفتر نے جمعہ کو جنرل ہیڈ کوارٹرز میں ملاقات کی۔آئی ایس پی آر سے جاری بیان کے مطابق ملاقات میں باہمی دلچسپی کے امور، علاقائی صورتحال ، سیکورٹی چیلنجز اور دفاعی تعاون سے متعلق امور پر تبادلہ خیال کیا گیا۔

(جاری ہے)

دونوں رہنماؤں نے سیکورٹی چیلنجوں سے نمٹنے کے لئے دفاعی صنعتی تعاون اور تکنیکی مہارت کے تبادلے پر اتفاق کیا۔جنرل ہیڈکوارٹرز (جی ایچ کیو)پہنچنے پر لیفٹیننٹ جنرل صدام خلیفہ حفتر نے پاک فوج کے شہداء کو خراج عقیدت پیش کرنے کے لئے یادگار شہدا پر پھولوں کی چادر چڑھائی۔ معزز مہمان کا پرتپاک استقبال کیا گیا اور پاک فوج کے چاق و چوبند دستے نے گارڈ آف آنر پیش کیا۔