وزیراعظم کا 2024-2025 میں کرنٹ اکاؤنٹ سرپلس 2.1 ارب ڈالرز تک پہنچنے پر اظہار تشکر

کرنٹ اکاؤنٹ سرپلس گزشتہ 22 سالوں کی بلند ترین سطح پر پہنچنا انتہائی خوش آئند ہے، شہبازشریف کا بیان

جمعہ 18 جولائی 2025 18:37

وزیراعظم کا 2024-2025 میں کرنٹ اکاؤنٹ سرپلس 2.1 ارب ڈالرز تک پہنچنے پر اظہار ..

اسلام آباد (اُردو پوائنٹ اخبارتازہ ترین - این این آئی۔ 18 جولائی2025ء)وزیراعظم محمد شہباز شریف نے مالی سال 2024-2025 میں کرنٹ اکاؤنٹ سرپلس 2.1 ارب ڈالرز تک پہنچنے پر اظہار تشکر کرتے ہوئے کہاہے کہ کرنٹ اکاؤنٹ سرپلس گزشتہ 22 سالوں کی بلند ترین سطح پر پہنچنا انتہائی خوش آئند ہے ۔ اپنے بیان میں وزیراعظم نے کہاکہ حکومت کی معاشی ٹیم کی کاوشیں لائق تحسین ہے ۔

(جاری ہے)

شہبازشریف نے کہاکہ حکومتی اقدامات کی وجہ سے زر مبادلہ کے ذخائر 19 ارب ڈالرز سے تجاوز کر گئے ہیں ۔ شہبازشریف نے کہاکہ کرنٹ اکاؤنٹ سرپلس میں استحکام کی بنیادی وجہ ترسیلات زر اور برآمدات میں خاطر خواہ اضافہ ہے۔ وزیراعظم نے کہاکہ دن بدن بہتر ہوتے مالیاتی و معاشی اشاریے یہ ظاہر کرتے ہیں کہ ملکی معیشت استحکام کے راستے پر گامزن ہو چکی ہے ۔ وزیر اعظم نے کہاکہ حکومت ملک میں کاروبار اور سرمایہ کار دوست ماحول مزید بہتر کرنے کے حوالے سے ترجیحی اقدامات اٹھا رہی ہے ،حکومت کی معاشی ٹیم کی کاوشیں لائق تحسین ہے ۔