انڈر16 والی بال چیمپئن شپ، پاکستان نے سیمی فائنل میں بھارت کو ہرادیا

، چیمپئن شپ کے فائنل میں پاکستانی ٹیم کا مقابلہ ایران سے ہو گا، رپورٹ

جمعہ 18 جولائی 2025 23:17

بینکاک (اُردو پوائنٹ اخبارتازہ ترین - این این آئی۔ 18 جولائی2025ء)تھائی لینڈ میں جاری انڈر 16 والی بال چیمپئن شپ میں پاکستانی شاہینز نے سیمی فائنل مقابلے میں بھارت کو بدترین شکست سے دوچار کر دیا ہے۔تفصیلات کے مطابق انڈر 16 والی بال چیمپئن شپ کے سیمی فائنل میچ میں پاکستان نے بھارت کے خلاف یک طرفہ مقابلے کے بعد 0-3 کے اسٹریٹ سیٹ سے کامیابی حاصل کی۔

(جاری ہے)

گرین شرٹس نے حریف ٹیم کو 16-25، 19-25 اور 12-25 کے ساتھ مقابلہ اپنے نام کیا، چیمپئن شپ کے فائنل میں پاکستانی ٹیم کا مقابلہ ایران سے ہو گا۔قبل ازیں قومی ٹیم نے ایونٹ میں ناقابل شکست رہتے ہوئے ابتدائی تینوں میچز میں فتوحات سمیٹ کر کوارٹر فائنل کے لیے کوالیفائی کیا تھا۔کوارٹر فائنل میں پاکستان نے انڈونیشیا کو 0-3 سے شکست دے کر مسلسل چوتھی کامیابی حاصل کرنے کے ساتھ ساتھ آئندہ برس ہونے والی انڈر 17 ورلڈ چیمپئن شپ کے لیے اپنی شرکت یقینی بنا لی ہے۔