وزیراعلی پنجاب کی قلات سے کوئٹہ جانیوالے پولیس قافلے پر دہشتگردوں کے حملے کی شدید مذمت

جمعہ 18 جولائی 2025 23:40

لاہور (اُردو پوائنٹ اخبارتازہ ترین - اے پی پی۔ 18 جولائی2025ء) وزیراعلی پنجاب مریم نواز نے قلات سے کوئٹہ جانے والے پولیس قافلے پر بھارتی سپانسرڈ دہشتگردوں کے حملے کی شدید مذمت کی ہے۔

(جاری ہے)

وزیر اعلی نے انسپکٹر عبدالرزاق اور کانسٹیبل رضا محمد کی شہادت پر گہرے دکھ اور افسوس کا اظہار کیا ہے۔وزیراعلی مریم نواز نے شہدا کے اہل خانہ سے دلی ہمدردی وتعزیت اور زخمیوں کی جلد صحت یابی کے لیے دعا کی ہے۔وزیراعلی نے کہا کہ قوم شہدا کی قربانیوں کو سلام پیش کرتی ہے، ان کی قربانیاں رائیگاں نہیں جائیں گی۔