موسمیاتی تبدیلی کی وجہ سے 2050 تک مزید 4 کروڑ 10 لاکھ افراد انتہائی غربت میں جا سکتے ہیں‘ عالمی بینک

شدید موسم، خوراک کی قیمتوں میں اضافہ ،روزگار کے مواقع میں کمی ترقی پذیر ممالک بالخصوص جنوبی ایشیاء ، افریقہ ،لاطینی امریکہ کو زیادہ متاثر کریگی

اتوار 20 جولائی 2025 15:40

لاہور(اُردو پوائنٹ اخبارتازہ ترین - این این آئی۔ 20 جولائی2025ء)عالمی بینک کی تازہ رپورٹ میں خبردار کیا گیا ہے کہ موسمیاتی تبدیلی کی وجہ سے دنیا بھر میں غربت کے خاتمے کی کوششیں شدید متاثر ہو سکتی ہیں اور 2050 تک مزید 4 کروڑ 10 لاکھ افراد انتہائی غربت میں دھکیلے جا سکتے ہیں۔

(جاری ہے)

رپورٹ کے مطابق، موسمیاتی تبدیلی کے باعث شدید موسم، خوراک کی قیمتوں میں اضافہ اور روزگار کے مواقع میں کمی ترقی پذیر ممالک بالخصوص جنوبی ایشیاء ، افریقہ اور لاطینی امریکہ کو زیادہ متاثر کرے گی۔رپورٹ کا عنوان دی فیوچر آف پوورٹی ہے جس میں کہا گیا ہے کہ اگر فوری اقدامات نہ کیے گئے تو عالمی سطح پر معاشی پیداوار میں 2100 تک 23 فیصد تک کمی واقع ہو سکتی ہے۔