خاتون اور مرد کے قتل کے واقعے میں 11 ملزمان گرفتار کرلیے ہیں‘ وزیراعلیٰ بلوچستان

پیر 21 جولائی 2025 12:31

کوئٹہ (اُردو پوائنٹ اخبارتازہ ترین - این این آئی۔ 21 جولائی2025ء)وزیراعلیٰ بلوچستان سرفراز بگٹی نے دعویٰ کیا ہے کہ خاتون اور مرد قتل واقعہ میں 11 ملزمان گرفتار کرلیے گئے ہیں۔ بلوچستان میں خاتون اور مرد کے بہیمانہ قتل کی ویڈیو سوشل میڈیا پر وائرل ہوئی تھی جس کا وزیر اعلیٰ سرفراز بگٹی نے نوٹس لیا۔وزیراعلیٰ بلوچستان میر سرفراز بگٹی نے کہا تھا سوشل میڈیا پر خاتون اور مرد کے قتل کی وائرل ویڈیو میں دکھائے جانے والے مقتولین کی شناخت ہوچکی ہے۔

سوشل میڈیا پر بیان جاری کرتے ہوئے وزیر اعلیٰ بلوچستان نے کہا کہ خاتون اور مرد کے قتل واقعہ میں اب تک 11 ملزمان گرفتار کییجاچکیہیں، آپریشن جاری ہے۔انہوں نے کہا کہ واقعہ میں تمام ملوث افراد کو کیفر کردار تک پہنچایا جائیگا، ریاست مظلوم کے ساتھ ہے۔

(جاری ہے)

اس سے قبل وزیراعلیٰ نے بتایا تھا کہ ابتدائی تحقیقات میں یہ بات سامنے آئی ہے کہ یہ افسوسناک واقعہ عید سے چند روز قبل پیش آیا تھا جس کی ویڈیو حال ہی میں منظر عام پر آئی۔

انہوں نے کہا کہ ویڈیو سامنے آنے کے بعد اس گھناؤنے جرم پر پولیس کو فوری کارروائی کی ہدایت کی گئی جس پر ریاست کی مدعیت میں دہشتگردی کی دفعات کے تحت مقدمہ درج کر لیا گیا ہے اور لڑکی کے قتل میں ملوث ایک مشتبہ قاتل کو گرفتار کیا جا چکا ہے جبکہ دیگر ملزمان کی تلاش جاری ہے۔