شاندانہ گلزار کیلئے ہونیوالے احتجاج میں جرائم پیشہ افراد کی شرکت کا انکشاف

پیر 21 جولائی 2025 12:37

پشاور(اُردو پوائنٹ اخبارتازہ ترین - این این آئی۔ 21 جولائی2025ء) پی ٹی آئی رکن اسمبلی شاندانہ گلزار کے حق میں ہونے والے مظاہرے میں جرائم پیشہ افراد کی شرکت کا انکشاف ہوا ہے۔ تفصیلات کے مطابق پشاور میں پی ٹی آئی کی رکن قومی اسمبلی کے حق میں کوہاٹ روڈ پر مظاہرے میں جرائم پیشہ افراد نے بھی شرکت کی۔

(جاری ہے)

پولیس ریکارڈ کے مطابق ایس ایچ او کے خلاف پی ٹی آئی ایم این اے شاندانہ گلزار کے احتجاج میں جرائم پیشہ افراد شریک تھے اور جرائم میں ملوث افراد خود کو بچانے کیلیے احتجاج کا سہارا لے رہے ہیں۔پی ٹی آئی رکن اسمبلی شاندانہ گلزار نے ان الزامات کی تردید کرتے ہوئے کہا یہ الزامات بے بنیاد اور جھوٹے ہیں، انہیں راضی نامے کے لیے مجبور کیا جا رہا ہے۔