مقصد سینیٹربننا نہیں اشرافیہ کا تکبر پاش پاش کرنا تھا، خرم ذیشان کا پیچھے ہٹنے سے انکار

پیر 21 جولائی 2025 12:37

پشاور(اُردو پوائنٹ اخبارتازہ ترین - این این آئی۔ 21 جولائی2025ء) تحریک انصاف کے ناراض رکن خرم ذیشان نے سینیٹ الیکشن سے پیچھے ہٹنے سے انکار کردیا۔ پی ٹی آئی کے ناراض سینیٹ امیدوار خرم ذیشان نے کہا کہ میرا مقصد سینیٹر بننا نہیں بلکہ اشرافیہ کا تکبر پاش پاش کرنا تھا، ہار جیت کی بات ہے تو میں جیت چکا ہوں۔

(جاری ہے)

انہوں نے کہا کہ اشرافیہ بند کمروں میں بندر بانٹ کرتے ہیں اور بلا مقابلہ آ جاتے ہیں، الیکشن ہوگا اور نتیجہ جو بھی ہو یہ جیت نظریے کی ہے۔

واضح رہے کہ خیبر پختونخوا سے سینیٹ کی 11 نشستوں کے لیے ووٹنگ آج ہوگی جس کے لیے 25 امیدوار میدان میں ہیں۔ انتخابات کے لیے تحریک انصاف کے 5 ناراض اراکین نے بھی کاغذات جمع کروائے تھے جن میں سے 4 کے دستبردار ہونے کے بعد جنرل نشست پر خرم ذیشان میدان میں ہیں۔