آئی ایس پی آر سمر انٹر ن شپ 2025، ترجمان پاک فوج کی طلبا سے خصوصی نشست

نوجوان نسل کل بھی پاکستان کے ساتھ کھڑی تھی اور ہمیشہ ساتھ کھڑی رہے گی، طلبا کا عزم

پیر 21 جولائی 2025 20:35

اسلام آباد (اُردو پوائنٹ اخبارتازہ ترین - این این آئی۔ 21 جولائی2025ء)آئی ایس پی آر سمر انٹر ن شپ 2025ء میں ڈی جی آئی ایس پی آر لیفٹیننٹ جنرل احمد شریف چوہدری نے طلبا سے خصوصی نشست کی اور ان کے عزم و حوصلے کو سراہا ۔ذرائع کے مطابق سمر انٹر ن شپ 2025ء کا سفر کامیابی سے جاری ہے جس میں 33 شہروں کی 150سے زائد یونیورسٹیز اور دیگر تعلیمی اداروں کے 6500 سے زائد طلباء حصہ لے رہے ہیں۔

(جاری ہے)

اس موقع پر طلباء نے کہا کہ پاک افواج پر ہمیں فخر ہے اور ہمیں اپنی افواج سے کوئی جدا نہیں کر سکتا، آپریشن بنیان مرصوص میں پاک افواج کا بھارت کو منہ توڑ جواب تاریخ میں ہمیشہ یاد رکھا جائے گا۔طلبا نے عزم کا اظہار کرتے ہوئے کہا کہ نوجوان نسل کل بھی پاکستان کے ساتھ کھڑی تھی اور ہمیشہ ساتھ کھڑی رہے گی۔ انہوں نے دوٹوک پیغام دیا کہ ملک دشمن عناصر کی ناپاک کوشش کبھی کامیاب نہیں ہونے دیں گے۔