Live Updates

پیپلز پارٹی اور ایم کیو ایم ایک ہی سکے کے دو رخ ہیں، پیپلز پارٹی حیدرآباد کو ایک اور موہن جو دڑو بنا کر تاریخ رقم کرنا چاہتی ہے،حافظ طاہرمجید

ماضی میں لوگ یہاں سیر و تفریحی کے لئے آیا کرتے تھے اب یہاں سے ہجرت کرنے پر مجبور ہیں، بوسیدہ عمارتوں کے نام پر لوگوں کو بے گھر کیا جا رہا ہے، متبادل جگہ فراہم کرنے کے بعد ہی کاروائی کی جانی چائیے،امیرجماعت اسلامی حیدرآباد

پیر 21 جولائی 2025 21:10

حیدرآباد(اُردو پوائنٹ اخبارتازہ ترین - این این آئی۔ 21 جولائی2025ء)جماعت اسلامی ضلع حیدرآباد کے امیر حافظ طاہر مجید نے کہا ہے کہ پیپلز پارٹی اور ایم کیو ایم ایک ہی سکے کے دو رخ ہیں، پیپلز پارٹی حیدرآباد کو ایک اور موہن جو دڑو بنا کر تاریخ رقم کرنا چاہتی ہے، ماضی میں لوگ یہاں سیر و تفریحی کے لئے آیا کرتے تھے اب یہاں سے ہجرت کرنے پر مجبور ہیں، بوسیدہ عمارتوں کے نام پر لوگوں کو بے گھر کیا جا رہا ہے، متبادل جگہ فراہم کرنے کے بعد ہی کاروائی کی جانی چائیے۔

وہ ضلع نائب امیر عبدالقیوم شیخ اور جنرل سیکریٹری محمد حنیف شیخ کے ساتھ حیدرآباد پریس کلب میں پریس کانفرنس سے خطاب کر رہے تھے۔

(جاری ہے)

طاہر مجید نے کہا کہ شہری نوجوانوں پر تعلیم کے دروازے بند کر کے آٹو بھان روڑ پر شراب خانہ کھولا جا رہا ہے جبکہ اربوں روپے سے تعمیر ہونے والا آٹو بھان روڑ بارش کے پہلے قطرہ کے ساتھ ہی بہہ گیا ہے، انہوں نے کہا کہ حیدرآباد میں ہونے والی حالیہ بارش نے میئر اور ضلعی انتظامیہ کے تمام دعوں کو قلعی کھول دی ہے، وزیر اعلی سندھ کو ان علاقوں کا دورہ کرایا گیا جہاں ان کے کپڑے خراب نہ ہوں، جبکہ کلاتھ مارکیٹ کپڑوں کے تاجروں کا اربوں روپے کا نقصان ہوا ہے، ابھی شہر کے نشیبی علاقوں میں پانی کی نکاسی نہیں ہو سکی ہے، انہوں نے کہا کہ لطیف آباد میں 57 اور سٹی میں 97 ملی میٹر بارش نے پورے حیدرآباد کا نظام دھرم بھرم کر کے رکھ دیا، ہر سال مون سون بارشوں میں حیدرآباد ڈبو دیا جاتا ہے جبکہ سیوریج کے نام پر اربوں روپے ہڑپ کئے جا چکے ہیں، طاہر مجید نے کہا کہ پیپلز پارٹی کو حیدرآباد میں ایسا کوئی جیالا نہیں ملا جسے مئیر بنایا جاتا، باہر کے ضلع سے تعلق رکھنے والے شخص کو حیدرآباد کا میئر بنایا گیا ہے، انہوں نے کہا کہ شورو خاندان پرویز مشرف دور کی پیدا وار ہے، پرویز مشرف کے بلدیاتی دور میں مرحوم نور محمد شورو میونسپل کمیٹی قاسم آباد کے ناظم بنے یہ کبھی پیپلز پارٹی میں نہیں رہے، طاہر مجید نے کہا کہ سندھ میں پیپلز پارٹی اور ایم کیو ایم دونوں پس میں ملے ہوئے ہیں کرپٹ ترین لوگوں کا ٹولہ ہے عوام کو بے وقوف بنایا جا رہا ہے، دونوں جماعتیں ڈرامہ بازی کرتی ہیں اب وقت اگیا ہے کہ عوام کو ان کے خلاف اٹھ کھڑا ہونا ہو گا، طاہر مجید نے کہا کہ حیسکو اور واسا نے عوام کے ساتھ بدمعاشی لگائی ہوئی ہے، میٹر گھروں سے باہر لگے ہوئے ہیں جن میں ٹیمپرنگ کر کے صارفین پر ناجائز ڈیٹیکشن لگایا جاتا ہے کوئی شنوائی نہیں کی جاتی شہری پینے کے صاف پانی کو ترس رہے ہیں ایسا محسوس ہوتا ہے کہ انسانیت جیسے مر چکی ہو نہ کوئی انڈسٹری اور نہ ہی تعلیمی ادارے چھوڑے گئے ہیں اس شہر میں مجبور اور محکوم لوگ ہی رہ گئے ہیں حیدرآباد اب رہنے کے قابل نہیں رہا۔